Genesis 19:9 - Maung A Balita Biblia

⁹ Balet inkuanda, “Palabas mo kami, sikan sangkaili! Siopa kan mangibagay gawaen mi? Paliis ka, no andi maoges niy gawaen mid sika nen say sikara.” Intolak day Lot, ta pasooten da lan lokasay puirta.

Maung a Balita Biblia

⁹ Balet inkuanda, Palabas mo kami, sikan sangkaili! Siopa kan mangibagay gawaen mi? Paliis ka, no andi maoges niy gawaen mid sika nen say sikara. Intolak day Lot, ta pasooten da lan lokasay puirta.

Genesis 19:9 Iomraidhean Croise

Genesis 11:6

insan inkuanto, “Natan, saksakey ira yan totoo tan saksakey so salita ra. Gapo labat ya na getma ran gawaen. Ag mabayag, nagawaan da lay labalabay dan gawaen.

Genesis 13:12

Tinmilak si Abram ed Canaan, balet nanayam si Lot ed saray siudad diad patar ya asingger ed Sodoma.

Exodo 2:14

Inmebat imay too, “Siopa so anorod sika a manoley tan manintinsia ed sikami? Labay mo ak a pateyen a singa impamatey mod samay Egipsio?” Tinmakot ed satan si Moises tan inkuantod sikaton dili, “Akabatan la na totoo imay ginawak.”

Probirbio 14:16

Saray totoon walay pakatalus maalwar ira tan nibatikan day gunigon, balet saray totoon makulang-kulang sagpasagpa rad antokaman a gawaen da.

Probirbio 17:12

Magmaung niy makasabat na uson imbatik da ray anak to nen say makasabat na toon makulang-kulang a walay getma ton maoges a gawaen.

Probirbio 27:3

Anlemew niy bato tan buer nen say golo a nagawaan na inkakulang-kulang.

Ecclesiastes 10:13

Manlapud gapo ya anggad samput andi-kakanaan iray salita na makulang-kulang.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Isaias 65:5

Insan da kukuan ed saray arum a totoo, ‘Arawi kayod sikami, ag yo kami nayarin diwiten lapud masansanto kami!’ Ag ko naanosan ira yan totoo—singa apoy ya ag naerep so pasnuk kod sikara.

Jeremias 3:3

Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Ezekiel 16:49

Say Sodoma tan saray anak ton bibii et mapasirayew ira lapud daakan so tagano ra nen saman tan nambibilay iran mareen, balet ag da inaasikaso iray mairap-bilay tan saray walad pankaukolan.

Mateo 7:6

“Ag yo iiter ed saray aso so bengatlan masanto, ta poliktaran tan ketketen da kayo. Ag yo met ibabantak ed saray baboy iray alahas yo, ta gatingatinan da ra labat.”

1 Samuel 17:44

Inkuantod kinen David, “Gala dia, ta ipakan kod saray manok tan saray ayayep so bangkay mo.”

1 Samuel 2:16

No onebat so too, “Gawaen ta niy kanepegan tan poolan nin onona so taba, insan ka la mangalay labay mo,” say aripen na pari ikuanto, “Andi! Iter mo lad siak natan! No ag ka, alaen kod pasootan!”

1 Samuel 25:17

Nudnunot mo ya natan sirin no antoy nepeg yon gawaen. Nayarin maoges so nagawad amo mi tan say intiron pamilya to. Maonganget, kanyan anggapoy dengelen to!”