Genesis 19:8 - Maung A Balita Biblia

⁸ Walay duaran anak kon mamarikit. Ipaway ko ra tan gawa yod sikaray labay yo. Balet ag yo didiwiten ira yan lalaki; bisitak irad abung ko tan nepeg ko ran iyagel.”

Maung a Balita Biblia

⁸ Walay duaran anak kon mamarikit. Ipaway ko ra tan gawa yod sikaray labay yo. Balet ag yo didiwiten ira yan lalaki; bisitak irad abung ko tan nepeg ko ran iyagel.

Genesis 19:8 Iomraidhean Croise

Genesis 18:5

Mangala ak met na kanen yo, pian naitdan kayoy biskeg a mangituloy na panaakar yo. Pinagalangan yo ak ed inyakar yo dia, kanyan abuloyan yo ak a manlingkur ed sikayo.” Inmebat ira, “Salamat; sigi sirin.”

Genesis 19:7

Inkuantod sikara, “Agagi, kerewen kod sikayon ag yo komun gagawaen so ontan lan kaogsan.

Genesis 42:37

Inkuanen Ruben ed ama to, “No ag ko nipawil ed sikayo si Benjamin, nayarian yon pateyen iray duaran anak kon lalaki. Imatalek yod siak; asikasoen ko tan ipawil kod sikayo.”

Exodo 32:22

Inmebat si Aaron, “Ag ka kari mamapasnuk ed siak; amtam a sipaparaan la ran manggaway kaogsan.

Probirbio 9:7

No peteken moy toon mapaatagey, nabaingan ka labat. No pampasnukan moy toon maoges, nasakitan ka labat.

Isaias 58:7

Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Marcos 9:6

Lapud baleg a takot da ra may taloran disipulo, ag amta nen Pedro so ibabaga to.

Saray Taga Roma 3:8

Akin et ag tayo ikuan sirin, “Manggawa itayoy kaogsan, pian mambungay kamaungan”? Diad pamaoges na saray arum ed sikami, inkuanda ya imbaga mi ya kono! Say dusan kanepegan da so niiter ed sikara.

Saray Huis 19:23

Balet pinmaway imay masiken tan kuantod sikara, “Aleg, kakaaro! Ag yo kari gagawaen itan a maoges tan mabanday a bengatla! Sangkailik yan tooy wadya.

Saray Huis 19:24

Say maung, samay asawa to tan say anak kon marikit so iter kod sikayo. Gawa yo lay labalabay yod sikara. Balet ag yo gagawaen so mabambanday ed sayan laki!”

Saray Huis 9:15

Inmebat imay masabit ya abeban kiew, ‘No tuan labay yon pagmaliwen ak ya ari yo, gali dia sirin ta sirum kayod silong ko. No ag kayo, ompugsoy manliub ya apoy a manlapud saray masabit a sangak tan poolan to ray kiew a sidro ed Libano.’