Genesis 19:31 - Maung A Balita Biblia

³¹ Inkuan na pangulowan ed samay yogtan to, “Onmamasiken lay ama ta, tan anggapo lad intiron mundo iray lalakin mangasawad sikata, pian mananak ita.

Maung a Balita Biblia

³¹ Inkuan na pangulowan ed samay yogtan to, Onmamasiken lay ama ta, tan anggapo lad intiron mundo iray lalakin mangasawad sikata, pian mananak ita.

Genesis 19:31 Iomraidhean Croise

Genesis 16:2

kanyan inkuantod kinen Abram, “Ag inyabuloy na Katawan a nawalaan ak na anak. Anta no akdulan mo may biin aripen ko? Nayarin makaanak na para siak.” Inmabuloy si Abram ed imbaga nen Sarai;

Genesis 16:4

Inakdulan nen Abram si Agar, et nanlokun. Nen naamtaan nen Agar a malokun, nagmaliw a mapasirayew tan nilemlemew toy Sarai.

Genesis 19:28

Inosdungan to ray siudad na Sodoma tan Gomorra tan samay intiron patar, et anengneng ton manlalapud man so asewek, a singa asewek a manlalapud baleg ya ornowan.

Genesis 4:1

Inakdulan nen Adan si Eva ya asawa to. Nanlokun si Eva tan nananak na sakey a laki. “Diad tulong na Katawan,” kuanen Eva, “akaanak ak na sakey a laki.” Kanyan inngaran to na Cain imay ogaw.

Genesis 6:4

Diad saraman ya agew, tan anggan diad saray ontombuk, wala ray alan a manaayam ed dalin ya anak ira na saramay magangganan bibii tan saramay anak na Dios. Sikaray matalonggaring a bayani tan bantug a lalaki nen saman a panaon.

Isaias 4:1

No onsabiy tan a panaon, singkaten na pitoran bibii so sakey a laki tan ikuanda, “Nayarian min pakanen tan kawesan so sikamin dili, balet ipangasim ya ibagam a sikay asawa mi, pian naekal ed sikamiy kababaingan na anggapoy asawa.”

Marcos 9:6

Lapud baleg a takot da ra may taloran disipulo, ag amta nen Pedro so ibabaga to.

Deuteronomio 25:5

“No manaayam ed saksakey a solar so sanagin lalaki, insan inatey so sakey ed sikara, tan anggapoy lakin anak to, samay abalo ag nepeg a miasawa ed siopaman ya aliwan kabyangan na pamilya; kanepegan na lakin agi na samay inatey ya asawaen to may abalo.