Genesis 19:3 - Maung A Balita Biblia

³ Pinilit to ran ondawes ed abung to, kanyan akila rad sikato. Ingganggan nen Lot iray aripen to a manggawa ray tinapay tan mangiparaan ira na maung a pandeman na saray bisita; nen nisaklang lay lamisaan, angan ira.

Maung a Balita Biblia

³ Pinilit to ran ondawes ed abung to, kanyan akila rad sikato. Ingganggan nen Lot iray aripen to a manggawa ray tinapay tan mangiparaan ira na maung a pandeman na saray bisita; nen nisaklang lay lamisaan, angan ira.

Genesis 19:3 Iomraidhean Croise

Genesis 19:2

tan inkuanto, “Wadya ak a manlingkur ed sikayo. Tuloy kayod abung ko. Diman ki la manoras na sali yo tan onogip. Diad kabwasan, nayarian yoy ombangon a masakbay, insan ki la onsiput.” Balet inmebat ira, “Andi, dia lad plasay ogipan mi.”

Genesis 21:8

Binmaleg imay ogaw tan diad agew ya impamaksod sikato, nantaryay baleg a ponsia si Abraham.

Genesis 24:31

Inkuanto, “Mila kad siak ed abung mi. Sakey kan too a binindisionay Katawan. Akin et manalalagey ka dia? Walay kuartod abung mi ya akaparaan ed sika, tan walay pasen met na saray kamilyom.”

Genesis 26:30

Imparaanan ira nen Isaac na ponsia; angan tan inminom ira.

2 Saray Arari 4:8

Aminsan ya agew, linmay Eliseo ed baley na Sunem a dimay panaayaman na sakey a biin mayaman. Binagaan na sayan biin mayaman a mangan si Eliseo, tan nanlapud saman diman la mamangan si Eliseo kapag onlad saman a baley.

Exodo 12:15

Say Katawan kuanto, “Diad loob na pitoran agew ag kayo mamangan na tinapay a pinaalsad libadura—saray tinapay ya anggapoy libadura labat so kanen yo. Diad ononan agew ibantak yoy amin a libaduran narumog yo ed kaabungan yo, ta no walay Israelitan mangan na tinapay a nanlibadura legan na sarayan agew, ag la nibilang a sakey ed saray totook.

Exodo 12:39

Ginawa ran tinapay ira may anggapoy libaduran masa ya inawit da nen tinaynan day Egipto, ta lapud biglan impangibaki rad sikara, anggapoy panaon dan angiparaan na antokaman a kanen da.

Lucas 11:8

Kuankod sikayo, anggan ag to bangonan ya itdan lapud impankaaro ra, bangonan to lamlamang ya itday nakaukolan to lapud panamasoot to.

Lucas 14:23

Inkuan na amo, ‘Lakad saray daladalan tan saray leeleet diad paway na baley, tan pasoot mo ray totoon ondago, pian napanoy abung ko.

Lucas 5:29

Diad abung nen Levi, intaryaan toy Jesus na baleg a ponsia. Karongod man nen Jesus iray amayamay a sumisingil na buis tan arum ni ran totoo.

Juan 12:2

Imparaanan dad may pandeman to. Si Marta so nansirbi, tan si Lazaro so sakey ed saray akirongod kinen Jesus.

1 CORINTO 5:8

Kanyan pistaan tayoy Paskua, aliwan diad panamegley na tinapay a walay lauk ton daan a libaduray kasalanan tan kaogsan, no ag diad panamegley na tinapay ya anggapoy libadura, say tinapay na katooran tan katwaan.

2 CORINTO 5:14

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.

Saray Hebreo 13:2

Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

Saray Huis 6:19

Kanyan sinmempet si Gedeon tan angiluto na sakey a kilaw na kanding, insan inkana toy sakey salup ya arina diad impanggawa toy tinapay ya ag nilaukay libadura. Inyan tod baskit so karni tan say sabaw diad banga, insan to ra inyakar ed samay anghil na Katawan a walad silong na kiew a robli, tan inter tod sikato.

1 Samuel 28:24

Pinatey a tampol na samay bii so pinataba ton kilaw a baka. Insan angalay arina, kinames to, tan nanggaway tinapay ya anggapoy libadura.