Genesis 19:25 - Maung A Balita Biblia

²⁵ tan dineral to ra tan say intiron patar, pati amin a totood man tan amin ya ontutubod dalin.

Maung a Balita Biblia

²⁵ tan dineral to ra tan say intiron patar, pati amin a totood man tan amin ya ontutubod dalin.

Genesis 19:25 Iomraidhean Croise

Genesis 13:10

Ninengneng sirin nen Lot so kaliber-liber tan abantag ton say patar na Jordan ya anggad Zoar et dakel so danum to, a singa Tanamanan na Katawan o singa dalin na Egipto. (Diad saman a panaon, ag ni dineral na Katawan so siudad na Sodoma tan say siudad na Gomorra.)

Genesis 13:12

Tinmilak si Abram ed Canaan, balet nanayam si Lot ed saray siudad diad patar ya asingger ed Sodoma.

Genesis 14:3

Sarayan limaran ari nankakasakey ira tan impanoolup da ray sondalo ra ed Patar na Sidim ya Inatey a Dayat natan.

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Isaias 13:19

Say Babilonia et sankarakepan ed amin da ray nanarian; ikikinon na saray totoo to. Balet siak a Katawan, temeken ko a singa samay ginawak ed Sodoma tan Gomorra!

Jeremias 20:16

Niolibay komun iman a too ed saray siudad ya andi-panangasin dinederal na Katawan. Makarengel komun iman a too no kabwasan na saray akis no paniirap, tan no kaagewan say eyag na para bakal,

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 49:18

Nagawa ed Edom so agawad Sodoma tan Gomorra nen aderal ira tan saray kaliber-liber dan baley. Anggapo lad may malabay a manayam. Siak, say Katawan, so nansalita.

Jeremias 50:40

Nagawa met ed Babilonia so agawad Sodoma tan Gomorra nen dineral ko ra tan saray kaliber-liber dan baley. Anggapo lad may manayam anggan kapigan. Siak, say Katawan, so nansalita.

Saray Tagleey 4:6

Ambelat niy impakadusa na saray totook nen say impakadusa na saray totood Sodoma, a biglay inkaplag da ed limay Dios.

Ezekiel 16:50

Onung na kabkabat mo, dineral ko ra lapud mapaatagey ira, anawet so olo ra tan ginagawa ray ag ko labay.

Amos 4:11

“Dineral ta kayo a singa impaneral kod saray baley na Sodoma tan Gomorra. Sikayo ran akapaliis ed patey et aliling yoy mandarlang a bislak a nipaliis ed pool. Balet siansian ag kayo pinmawil ed siak,” kuay Katawan.

Sofonias 2:9

Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.

2 Pedro 2:6

Dinusa na Dios iray siudad na Sodoma tan Gomorra. Tinemek to ra diad panamegley na apoy, pian nipanengneng toy pansumpalay totoon anggapoy Dios.