Genesis 19:15 - Maung A Balita Biblia

¹⁵ Diad palbangon, impangganat na saramay anghil si Lot. “Ganatan mo!” inkuanda. “Awit moy asawam tan saray duaran marikit mo, pian ag kayo ompatey no naderal so siudad.”

Maung a Balita Biblia

¹⁵ Diad palbangon, impangganat na saramay anghil si Lot. Ganatan mo! inkuanda. Awit moy asawam tan saray duaran marikit mo, pian ag kayo ompatey no naderal so siudad.

Genesis 19:15 Iomraidhean Croise

Genesis 19:14

Linmay Lot ed saramay lalakin mangasawad saray anak to, tan inkuanto, “Ganatan yoy onekal dia; deralen na Katawan yan lugar.” Balet abaloan dan manlulurey si Lot.

Genesis 19:16

Siansian ngalngali ag onalis si Lot. Balet kinasian na Katawan, kanyan saramay lalaki binembenan dad lima si Lot, say asawa to, tan saray duaran marikit ya anak to, tan inggayugoy da ran impaway ed siudad.

Genesis 19:17

Insan inkuan na sakey ed saramay anghil, “Ilaban yoy bilay yo! Ag kayo onlilingaw ed nanlapwan yo tan ag kayo ontotondad patar. Batik kayod kapokdulan, pian ag kayo ompatey.”

Genesis 19:22

Ganatan mo! Batik kad man! Anggapoy nagawaan ko ya anggad pakasabim diman.” Lapud imbaga nen Lot a melag iman a baley, atawag na Zoar.

Saray Salmo 94:23

Lapud kaogsan da dusaen to ra, tan lapud saray kasalanan da deralen to ra; say Katawan a Dios tayo so manderal ed sikara.

2 CORINTO 6:2

Ta ibabaga to, “Dinengel ta ka ed manepeg a panaon, tinulongan ta ka ed agew na panangilaban.” Dengel kayo! Natan so manepeg ya oras a pangawat na panangasiy Dios! Natan so agew na kilalaban!

Puyan 18:4

Nadngel kon nanlapud tawen so sakey nin bosis ya inkuanto, “Paway kayod sikato, totook, paway kayo! Ag kayo nepeg a mibiang ed saray kasalanan to; ag kayo nepeg a nadusan kaiba to!