Genesis 19:14 - Maung A Balita Biblia

¹⁴ Linmay Lot ed saramay lalakin mangasawad saray anak to, tan inkuanto, “Ganatan yoy onekal dia; deralen na Katawan yan lugar.” Balet abaloan dan manlulurey si Lot.

Maung a Balita Biblia

¹⁴ Linmay Lot ed saramay lalakin mangasawad saray anak to, tan inkuanto, Ganatan yoy onekal dia; deralen na Katawan yan lugar. Balet abaloan dan manlulurey si Lot.

Genesis 19:14 Iomraidhean Croise

Genesis 19:15

Diad palbangon, impangganat na saramay anghil si Lot. “Ganatan mo!” inkuanda. “Awit moy asawam tan saray duaran marikit mo, pian ag kayo ompatey no naderal so siudad.”

Genesis 19:17

Insan inkuan na sakey ed saramay anghil, “Ilaban yoy bilay yo! Ag kayo onlilingaw ed nanlapwan yo tan ag kayo ontotondad patar. Batik kayod kapokdulan, pian ag kayo ompatey.”

Genesis 19:22

Ganatan mo! Batik kad man! Anggapoy nagawaan ko ya anggad pakasabim diman.” Lapud imbaga nen Lot a melag iman a baley, atawag na Zoar.

2 Saray Awaran 30:10

Saramay ibabaki linma ra ed balang siudad na dalin na tribu di Efraim tan Manases, tan asabi ra so dalin na tribu nen Zabulon diad baybay, balet inelek-elekan ira na saray totoo tan niluludlurey da ra.

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Exodo 12:31

Diad saman a labi impatawag na ari ira di Moises tan Aaron tan kuantod sikara, “Taynan ki la, sikayo ran Israelita! Taynan yo lay bansak; laka yo lan mangigalang ed Katawan onung na kekerewen yo.

Exodo 9:21

Ag insingansingan na saray arum imay pasakbay na Katawan tan pinaolyan dad paway na abung iray aripen da tan saray ayayep da.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Isaias 28:22

Ag yo eelekan so pasakbay ya iiter kod sikayo. No elekan yo lalon nairapan kayon ompaliis. Nadngel koy getma na Katawan a Makapanyarin-amin a deralen toy intiron bansa.

Jeremias 20:7

Katawan, pinalikdo mo ak, tan siak so apalikdo. Mabiskeg ka ni nen say siak, kanyan tinalo mo ak. Luludlureyen ak na balang sakey; eelek-elekan da ak lawas.

Jeremias 43:1

Asumpal kon imbagad saray totoo ya amin iray impaibagad siak na Katawan a Dios da.

Jeremias 43:2

Insan si Azarias a lakin anak nen Hosaya, si Johanan a lakin anak nen Carea, tan saray arum a mapaatagey a totoo kuandad siak, “Mantitila ka. Ag ka imbaki na Katawan a Dios mi a mangibagad sikamin ag kami manayam ed Egipto.

Jeremias 51:6

Ibatikan yoy Babilonia! Batik kayo diad pangilaban yod bilay yo! Ag kayo papapatey, lapud kasalanan na Babilonia. Ombabawi ak la natan tan dudusaen ko onung na kanepegan to.

Ezekiel 20:49

Balet inkuanko, “Katawan a Dios, ag mo pa ya pagagawa ed siak! Manririklamo lay balang sakey, lapud pansasalitak ed panamegley na saray alimbawa.”

Saray Bilang 16:21

“Arawian yo ra yan totoo, ta deralen ko ran tampol.”

Saray Bilang 16:26

Inkuanen Moises ed saray totoo, “Arawian yo ray tulda na sarayan maoges a totoo tan ag yo didiwiten so antokaman a kayaryan da. Ta no diwiten yo, nakaiba yo ran naandipat lapud saray amin a kasalanan da.”

Saray Bilang 16:45

“Arawian yo ra yan totoo, ta deralen ko ran tampol ed kawalaan da!” Dinmakmomon anggad dalin ira may duara,

Mateo 1:18

Onyay impakaiyanak nen Jesu-Cristo: Si Maria ya ina nen Jesus akisipanan a mikasal ed kinen Jose. Balet kasakbayan na impanamung dan dua, nalmuan a malokun si Maria lapud pakayari na Ispiritu Santo.

Mateo 9:24

Inkuantod sikara, “Paway kayon amin! Ag inatey so ogaw; nanaogip labat.” Balet inelek-elekan da labat si Jesus.

Lucas 24:11

Balet, abaloan na saray apostol a lurey so imbaga ra, tan ag da ra panisiaan.

Lucas 9:42

Nen ondarago may ogaw, tinumbay dimonyo tan pinatayegteg to. Nampasnukan nen Jesus imay dimonyo, pinaabig to may ogaw, insan to impawil ed ama to.

Saray Gawgawa 17:32

Nen nadngel day Pablo ya angibagay nipaakar ed kiolid bilay, niludlurey na pigarad sikara. Balet inkuay arum, “Labay mi ka lamet a dengelen nipaakar ed saya.”

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.