Genesis 18:9 - Maung A Balita Biblia

⁹ Tinepet dad sikato, “Kawalaan nen asawam a Sara?” “Wadyad dalem na tulda,” ebat to.

Maung a Balita Biblia

⁹ Tinepet dad sikato, Kawalaan nen asawam a Sara? Wadyad dalem na tulda, ebat to.

Genesis 18:9 Iomraidhean Croise

Genesis 18:10

Inkuan na sakey ed sikara, “Siam bulan a manlapud natan, ompawil ak dia, et wala lad satan so lakin anak nen Sara.” Wadmay Sara ya onderengel ed biek na puirta a nibeneg nen Abraham.

Genesis 18:8

Angalay kiso, gatas, tan samay niluton karniy kilaw, insan to ra imparongo ed saramay taloran totoo. Sikaton diliy nansirbid sikara legan dan angan diad silong na kiew.

Genesis 24:67

Inyakar nen Isaac si Rebeca ed loob na tuldan nanayaman nen Sara ya ina to, tan inasawa to. Inaro nen Isaac si Rebeca, kanyan aligliwa si Isaac ed impatey nen ina to.

Genesis 3:9

Balet tinawag na Katawan a Dios imay laki, “Iner so kawalaan mo?”

Genesis 31:33

Sinukisok nen Laban so tulda nen Jacob; insan linmoob ed tulda nen Lea tan diad tulda na saramay duaran aripen a bibii, balet ag to arumog iray diriyos to. Linmoob ed satan diad tulda nen Raquel.

Genesis 4:9

Tinepet na Katawan ed kinen Cain, “Kawalaan nen Abel ya agim?” Inmebat, “Ag ko amta. Siak tay managasikasod agik?”

Tito 2:5

mambilay iran maadya, masimpit, maung a mangasikasoy abung, mapangasi tan maonur ed kaasawaan da, pian ag napabanday so salitay Dios.

Saray Hebreo 11:9

Lapud pananisia, nanayam a singa sangkaili ed bansa ya insipay Dios ed sikato. Nanayam diman ed saray tulda, tan kaiba to ra di Isaac tan Jacob ya angawat met ed Dios na namparan sipan.