Genesis 18:32 - Maung A Balita Biblia

³² Inkuanen Abraham, “Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung?” Inmebat, “No walay samplora, ag ko deralen lapud sikara.”

Maung a Balita Biblia

³² Inkuanen Abraham, Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung? Inmebat, No walay samplora, ag ko deralen lapud sikara.

Genesis 18:32 Iomraidhean Croise

Genesis 18:30

Inkuanen Abraham, “Ag ka komun mamapasnuk, Katawan, ta mansalita ak lamet. No bilang ta talomplo ra, deralen mo ni?” Inmebat, “No walad may talomplo, ag ko deralen lapud sikara.”

Genesis 18:31

Inkuanen Abraham, “Pasinsiaan mo pa lay tepel na linawak, ta mikasi ak lamet ed sika, Katawan. No bilang ta dogduamplo ra, deralen mo ni?” Inmebat, “No walad may narumog kon duamplon matonung, ag ko la deralen lapud sikara.”

Genesis 44:18

Inmasingger si Juda ed kinen Jose tan inkuanto, “Abuloyan mo ak pan misalitad sika. Ag ka komun mamapasnuk ed siak, O katawan; kaparam lay ari.

Say Libro nen Job 33:23

Nayarin walay sakey ya anghil ya ondagon ontulong ed sikato— sakey ed saray nilibon anghil na Dios, saray manangipanunot ed saray totoo na nepeg dan gawaen.

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Isaias 65:8

Say Katawan kuanto, “Anggapoy too a deralen to ray maung a bungay ubas; ingen gawaen to ra ya alak. Ag ko met deralen ya amin iray totook—ilaban ko ray manlilingkur ed siak.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Mateo 7:7

“Kerew kayo, et naitdan kayo. Mananap kayo, et makalmo kayo. Toktok kayo, et nalokasan a para sikayo so puirta.

TAGA-EFESO 3:20

Diad Dios a makagaway lalon dakdakel nen say nayarian tin kerewen tan nunoten, diad panamegley na pakayarin mankikimey ed sikatayo:

Saray Huis 6:39

Insan inkuanen Gedeon ed Dios, “Ag ka pa komun mamapasnuk ed siak; wala pa niy kerewen ko. Maminsan pa nin ikanak imay abel ed panubok ko. Nabasa komun natan so dalin, balet mansiansian amaga may abel.”