Genesis 18:27 - Maung A Balita Biblia

²⁷ Nansalita lamet si Abraham, “Pasinsiaan mo pa lay tepel na linawak a misalita lamet ed sika, Katawan. Sakey ak labat a too, tan anggapoy kanepegan kon onkerew.

Maung a Balita Biblia

²⁷ Nansalita lamet si Abraham, Pasinsiaan mo pa lay tepel na linawak a misalita lamet ed sika, Katawan. Sakey ak labat a too, tan anggapoy kanepegan kon onkerew.

Genesis 18:27 Iomraidhean Croise

Genesis 18:28

Balet nayarin wala rad may apataplo tan liman totoo a matonung, aliwan limamplo. Deralen mo kasiy intiron siudad lapud kulang na limarad limamplo?” Inmebat so Katawan, “No walay narumog kon apataplo tan liman totoo a matonung, ag ko la deralen lapud sikara.”

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Say Libro nen Job 30:19

Ibabantak to ak ed kapitekan; nagmaliw ak a singa dabuk tan dapul.

Say Libro nen Job 4:19

Panon to sirin a panmatalkan so toon pinalsad pitek, sakey a bengatlan dabuk a nayarin liresen a singa bigis?

Saray Salmo 144:3

Katawan, siopa so too et iimanoen mo; say mogmon too et aasikasoen mo?

Saray Salmo 8:4

siopa so too, et nununoten mo; say mogmon too, et aasikasoen mo?

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Isaias 64:8

Balet sika so ama mi, Katawan. Aliling miy pitek, tan aliling moy managgaway banga. Pinalsa mo kami,

Lucas 18:1

Tinongtong nen Jesus so sakey ya alimbawan pangibangat tod sikara a nepeg day mampikasi lawas tan ag ira nanaekalay ilalo.

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”