Genesis 18:20 - Maung A Balita Biblia

²⁰ Insan inkuan na Katawan ed kinen Abraham, “Makapataktakot iray dalem ed siak sumpad Sodoma tan Gomorra, tan balbaleg so kasalanan da.

Maung a Balita Biblia

²⁰ Insan inkuan na Katawan ed kinen Abraham, Makapataktakot iray dalem ed siak sumpad Sodoma tan Gomorra, tan balbaleg so kasalanan da.

Genesis 18:20 Iomraidhean Croise

Genesis 13:13

Maoges iray totood man; mapalaloy kasalanan dad Katawan.

Genesis 19:13

ta deralen mi yan lugar. Nadngel na Katawan iray makapataktakot a dalem a sumpad sarayan totoo, kanyan imbaki to kamin maneral ed Sodoma.”

Genesis 19:4

Kasakbayan ya ondokul ira may bisita, niliktub na saray lalakin taga Sodoma so abung. Wadman ya amin iray lalakin tagad man, matakken may malangwer.

Genesis 4:10

Insan inkuan na Katawan, “Akin et onyay ginawam? Manlapud dalin, manakakis ed siak so dala na agim; singa bosis ya onkekerew na bales.

Genesis 6:12

Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Isaias 5:7

Say Israel so kaubasan na Katawan a Makapanyarin-amin; saray totood Juda iray wakal na ubas ya intatanem to. Inilaloan to a manggawa ray kamaungan, balet nampapatey ira lalaingen na katoowan! Inilaloan ton manggawa ray kaptekan, balet onkekerew na katonungan iray papairapen da.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Ezekiel 16:46

“Say pangulowan ya agim a bii et say Samaria diad baybay, a pati saray bario to. Say yogtan ya agim a bii et say Sodoma diad abalaten, a pati saray bario to.

Joel 3:13

Mapalaloy kaogsan da; gapas mo pa ran singa trigo no panaoy panagani; terak mo ran singa katerak na ubas diad panagpespesan ya anggad onlepwan onagos so alak.”

Jonas 1:2

Inkuanto, “Lakad Ninive, say baleg a siudad, ta mansalita ka sumpad saman a siudad; amtak so ontan lan kaogsan na saray totood man.”

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!