Genesis 18:19 - Maung A Balita Biblia

¹⁹ Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Maung a Balita Biblia

¹⁹ Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.

Genesis 18:19 Iomraidhean Croise

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Genesis 17:9

Inkuan ni na Dios ed kinen Abraham, “Nakaukolan a tooren yo met so impisipanan kod sikayo, sika tan saray kabyangay boleg mo diad arapen a panaon.

Genesis 22:18

Nabindisionan iray amin a bansad mundo a singa impamindision kod saray kabyangay boleg mo—lapud inonur moy ganggan ko.”

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

2 Samuel 22:22

Tinoluk koy ganggan na Katawan; ag ko imbeneg so Dios ko.

2 Samuel 7:20

Anto niy nayarian kon ibagad sika? Kabkabat mo ak, say aripen mo.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

2 Saray Awaran 14:3

Ineekal to ray altar na arum a bansa tan saray paganon pasen a panangigalangan; inggegeba to ray masanton bato a lusek, tan binabatang to ray tanda na diosan Asera.

Nehemias 9:7

Sika, Katawan a Dios, sika so amili ed kinen Abram tan impaway mo manlapud baley na Ur diad Babilonia; sinalatan mo so ngaran to na Abraham.

Say Libro nen Job 1:5

Kapag nasumpal so ponsia, ombangon a masaksakbay ed ontombuk a kabwasan si Job tan mangisaklang na saray bagat a popoolan a panlinis ed saray anak to, onung ed ganggan. Lawas to yan gagawaen lapud iisipen to ya ompan sakey ed saray anak to so nankasalanan diad ag to ginagalan impansalita sumpad Dios.

Saray Salmo 1:6

Say Katawan iwawanwan tan iyaagel to so toon matonung, balet nabalang ya anggad angga so toon maoges.

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Saray Salmo 34:15

Say Katawan iimanoen to ray matonung, tan dedengelen to ray tawag da;

Probirbio 22:6

Ibangat mod ogaw no panoy pambilay to, et ag to nalingwanan legan ton mambilay.

Isaias 38:19

Saray mabilay so mangidadayew ed sika, A singa pangidadayew kod sika natan. Ibaga na saray kaamaan ed saray anak da so ontan lan inkatoor mo.

Levitico 14:42

Insan saray arum a bato la so isalat ed saramay baton nakal, tan palitadaan la na balo so dalem na abung.

Amos 3:2

“Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

Mateo 25:17

Ontan met so ginawa to may akaawat na duan libo, tan akatuboy duan liboy pisos.

Juan 10:14

Siak so maung a pastol. Kabat ko ray karnirok tan kabat da ak,

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

Saray Gawgawa 27:31

Balet inkuanen Pablo ed samay opisyal tan saray sondalo, “No ontaynan ira tay mariniro, ag kayo nilaban.”

TAGA-EFESO 6:4

Atateng, apiger yoy kagagawa yod anak yo pian ag yo ra napampasnuk. Ingen, pabaleg yo ra onung ed panagdisiplina tan panamilin na Katawan.

Deuteronomio 32:46

inkuanto, “Pampelengan yon onuren iray ganggan ya inter kod sikayo natad sayan agew. Ibangat yo ra ed saray anak yo, pian matoor da met ya onuren iray amin a bangat na Dios.

1 Timoteo 3:12

Say mananulong nakaukolan a saksakey so asawa to, tan maung so pangipapangulo tod saray anak tan say intiron pamilya to.

2 Timoteo 1:5

Ag ko nalingwanay matoor a pananisiam, a singa samay pananisia nen Loida a baim tan Eunice ya inam. Ag ko panduaruwaan a wala met yad sika.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

2 Timoteo 3:15

Amtam a nanlapud impanogaw mo, akabatan mo lay Masanton Sulat a makaiter ed sikay kakabatan a mansumpal ed kilalalaban diad panamegley na pananisiad Cristo Jesus.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Saray Huis 13:12

Insan inkuanen Manoa, “Natan sirin, no ontua ray salitam, antoy nepeg a gawaen na ogaw? Anton klasiy bilay so pambilay to?”