Genesis 18:14 - Maung A Balita Biblia

¹⁴ Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

Maung a Balita Biblia

¹⁴ Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.

Genesis 18:14 Iomraidhean Croise

Genesis 17:16

Bindisionan ko tan makaanak kad sikato na sakey a laki. Bindisionan ko, et magmaliw ya ina na saray bansa, tan wala ray magmaliw ya arari ed saray kabyangay boleg to.”

Genesis 17:21

Balet tooren koy impisipanan kod anak mon Isaac ya iyanak nen Sara diad singa onyan panaon, no ontombuk a taon.”

Genesis 18:10

Inkuan na sakey ed sikara, “Siam bulan a manlapud natan, ompawil ak dia, et wala lad satan so lakin anak nen Sara.” Wadmay Sara ya onderengel ed biek na puirta a nibeneg nen Abraham.

Genesis 18:13

Tinepet na Katawan ed kinen Abraham, “Akin et inmelek si Sara tan inkuanto, ‘Makapananak ak ni kasi, anta akolaw ak la?’

Genesis 18:15

Lapud antakot si Sara, ag to inako. “Ag ak pa inmelek,” inkuanto. “Ag ka la mantitila,” ebat to. “Inmelek ka.”

Genesis 21:1

Binindisionan na Katawan si Sara, onung na insipan to.

Genesis 21:2

Nanlokun tan nananak na sakey a laki ed kinen Abraham nen masiken la, tan diad samay panaon ya imbagay Dios.

2 Saray Arari 4:16

insan inkuanen Eliseo ed sikato, “Diad onya ran agew ed arapen a taon manampopo kay sakey ya anak mon laki.” “Tua?” inkuanto, “Ag mo ak kari titilaan. Sakey kan too na Dios!”

Say Libro nen Job 36:5

Agaylay biskeg na Dios! Anggapoy babalawen to; anggapoy ag to natatalusan.

Say Libro nen Job 42:2

“Amtak, Katawan, a nagawaan moy amin a bengatla; anggapoy makabaat ed antokaman a labay mon gawaen.

Saray Salmo 90:13

Katawan, kapigan so itonday pasnuk mo? Kasian mo kami pan aripen mo!

Saray Salmo 93:1

Ari so Katawan. Akawesan na kagalangan tan abalkesan na biskeg. Niletneg a malmalet so mundo kanyan ag balut nagiing.

Saray Salmo 95:3

Ta makapanyarin Dios so Katawan makapanyarin ari na amin da ray diriyos.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Jeremias 32:27

“Siak so Katawan, say Dios na amin a katoowan. Anggapoy antokaman a mairap ed siak.

Daniel 6:20

Kasabi tod samay abut, mapagpagan kinmulyaot, “Daniel ya aripen na mabilay a Dios! Ayarian kan niagel ed saray lion na Dios a matoor mon panlilingkuran?”

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Zacarias 8:6

“Nayarin ipasen na saray totoon atilak ed bansa ya ag yan balut nagawa, balet no para siak nagawa.

Saray Bilang 11:23

“Wala sirin so ag ko nagawaan?” ebat na Katawan. “Ag mabayag nanengneng mo no kasi nasumpal so sinalitak odino andi!”

Mateo 14:31

Siningkat nen Jesus a tampol si Pedro tan inkuanto, “Melmelag so pananisiam! Akin et nanduaruwa ka sirin a?”

Mateo 19:26

Ninengneng nen Jesus ira tan kuanto, “Ag nagawaan ya na too, balet nagawaan na Dios iray amin a bengatla.”

Mateo 3:9

Tan ag yo iisipen a nasaniban yoy peteg a kipapasen yo diad pangibaga yon laki yoy Abraham. Kuankod sikayo a walay pakayari na Dios a pagmaliwen a tuan anak nen Abraham ira yan bato!

Marcos 10:27

Ninengneng ira nen Jesus tan inmebat, “Ag ya nagawaan na too, balet nagawaan na Dios, ta say Dios nayaryan to a gawaen ya amin iray bengatla.”

Lucas 1:13

Inkuanto may anghil, “Ag ka natatakot, Zacarias, ta dinengel na Dios so pikakasim! Si Elizabet ya asawam et mananak na sakey a laki. Juan so pangingaran mod sikato.

Lucas 1:18

Inkuanen Zacarias ed samay anghil, “Panon ko a naamtaan a nagawa yan tua, anta masikesiken ak la tan akolakolaw met lay asawak?”

Lucas 1:37

Anggapoy ag nagawaan na Dios.”

Lucas 8:50

Nen nadngel ya nen Jesus, inkuantod kinen Jairo, “Ag ka natatakot. Manisia ka labat et onabig la.”

Saray Taga Roma 4:21

Ag ton balut nanduaruwaan a say Dios et nagawaan to so insipan to.

TAGA-EFESO 3:20

Diad Dios a makagaway lalon dakdakel nen say nayarian tin kerewen tan nunoten, diad panamegley na pakayarin mankikimey ed sikatayo:

Deuteronomio 30:3

say Katawan a Dios yod satan et kasian to kayo. Papawilen to kayod dalin yo manlapud saray bansan angikayatan tod sikayo, tan paaligwasen to kayo lamet.

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

FILIPOS 3:21

Diad sayan ipawil to, salatan to yay magter a laman tayo na singa laman ton mapagalang. Gawaen to ya, diad panamegley na pakayarin pakapasuko tod pakaoley to na saray amin a bengatla.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Saray Hebreo 11:19

Anisiay Abraham a nayarian na Dios a bilayen si Isaac. Nayari met ya ibaga a nipawil ed sikatoy anak ton Isaac manlapud patey.

Saray Huis 13:3

Pinmanengneng so anghil na Katawan ed asawa nen Manoa tan kuanto, “Lepes ka, balet ag mabayag manlokun ka tan mananak kay sakey a laki.

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”