Genesis 17:8 - Maung A Balita Biblia

⁸ Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Maung a Balita Biblia

⁸ Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.

Genesis 17:8 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 13:15

amin a dalin a nabantag mo, iter kod sika tan diad saray kabyangay boleg mo, tan kayaryan mo ra ya anggad angga.

Genesis 13:17

Natan sirin, liber mo yan dalin, ta iter kod sikan amin.”

Genesis 23:4

“Sangkaili ak dian miaayam ed sikayo; lakoan yo ak pa na dalin a pangipomponan kod asawak.”

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Genesis 28:4

Bindisionan to ka komun tan saray kabyangay boleg mo, a singa samay impamindision tod kinen Abraham, tan nakayaryan mo komun yan dalin a panaayaman mo tan sikatoy dalin ya inter na Dios ed kinen Abraham!”

Genesis 35:27

Binmisitay Jacob ed kinen ama ton Isaac diad Namre, ya asingger ed Hebron, tan nanayaman nen Abraham tan Isaac.

Genesis 36:7

Tinmaynan lapud kulang lay taganon niiter na dalin a panaayaman da nen Jacob; dakerakel iray ayayep da, kanyan ag la ra nayarin manayam ed sakey a pasen.

Genesis 37:1

Nanayam si Jacob diad dalin na Canaan a nanayaman met nen ama to.

Genesis 48:4

Inkuantod siak, ‘Parakelen kon maung so kabyangay pamilyam, pian magmaliw ya amayamay a bansa iray kabyangay boleg mo; iter kod saray kabyangay boleg mo yan dalin tan kayaryanen da ed anggad angga.’”

2 Samuel 23:5

Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

1 Saray Awaran 16:18

“Iter kod sikay dalin na Canaan,” inkuanto. “Sikatoy tawiren mo.”

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Saray Salmo 105:11

“Iter kod sikay dalin na Canaan,” inkuanto. “Sikatoy tawiren mo.”

Saray Salmo 105:9

Sumpalen toy impipakna tod kinen Abraham tan say insipan tod kinen Isaac.

Exodo 13:11

“Say Katawan iyakar to kayo ed dalin na saray Cananeo, say dalin a sinambaan ton iter ed sikayo tan saray lalaki yo. No niiter to lad sikayo,

Exodo 21:6

say amo tod satan awiten tod pasen a panangigalangan. Diman say amo pasaralen to may aripen ed puirta odino diad lusek na puirta, insan to tebengan ed layag. Diad ontan magmaliw lan aripen to ya anggad ag to ipatey.

Exodo 29:45

Manayam ak ed kawalaan na saray Israelita tan siak so Dios da.

Exodo 32:13

Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.”

Exodo 40:15

Insan mo ra lanaan na larak na oliba a singa impanlanam ed ama ra, pian makapanlingkur iran papari ed siak. Sayan panlanam ed sikara gawaen to ran papari ed amin a panaon ya onsabi.”

Exodo 6:4

Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Jeremias 25:5

Imbabaga rad sikayo a benegan yo ray maoges a panagbilay yo tan kaindanan yo ray maoges a gagawaen yo, pian nayarian yoy manayam ya ando lan ando ed dalin ya inter na Katawan ed sikayo tan saray lalaki yo.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.

Ezekiel 33:24

Inkuanto, “Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: ‘Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.’

Levitico 14:34

iray onggendan a totontonen a nipaakar ed saray abung a nabobootan. (Sarayan totontonen et tombuken ira no saray totood Israel et akaloob la ra ed dalin na Canaan ya iter na Katawan ed sikara.)

Levitico 16:34

Sarayan totontonen et nepeg a tombuken ya anggan kapigan man a panaon. Sayan sirimonya et nepeg a gawaen a maminsan ed sakey taon a panlinis ed amin a kasalanan da ray Israelita. Ginawa sirin nen Moises so ingganggan na Katawan.

Levitico 26:12

Olupen ta kayo; siak so magmaliw a Dios yo tan sikayo ray totook.

Zacarias 8:8

tan manlapud bokig tan sagur ipawil ko ran manayam ed Jerusalem. Magmaliw iran totook tan siak so Dios da a manoley ed sikara onung ed inkatoor tan inkatonung.

Saray Bilang 10:29

Si Moises kuantod kinen bayaw ton si Hobab a lakin anak nen Jetro a taga Madian, “Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.”

Saray Bilang 25:13

Sikato tan saray kabyangay boleg to et mansiansia ran pari, lapud ag to inabuloyan so siopaman a manamsam na kipapasen ko tan ginawa toy pakapirdonaan na kasalanan na saray totoo.”

Saray Bilang 27:12

Say Katawan kuantod kinen Moises, “Kalab kad Palandey na Abarim tan bantagan mo so dalin ya iter kod saray Israelita.

Saray Gawgawa 7:5

Ag initday Dios na anggan sankarangan a dalin dia, balet insipan ton magmaliw lamlamang a kayaryan to tan saray kabyangay boleg to. Nen insipan ya na Dios, anggapo niy anak nen Abraham.

Deuteronomio 14:2

Kayaryan kayo na Katawan a Dios yo; pinili to kayon dilin totoo to diad saray amin a totood tapew na dalin.

Deuteronomio 26:18

Natad sayan agew say Katawan inawat to kayo a dilin totoo to onung na insipan to; tan ingganggan to kayon onuren yo ray amin a ganggan to.

Deuteronomio 29:13

pian napaletan to natan a sikayo ray totoo to tan sikato so Dios yo, onung na insipan tod sikayo tan saray lalaki yon di Abraham, Isaac, tan Jacob.

Deuteronomio 32:49

“Lakad Kapalandeyan na Abarim diad dalin na Moab a kasumbaliwan na siudad na Jerico; kalab kad Palandey na Nebo, ta bantag moy dalin na Canaan a ngalngalik la iter ed saray totood Israel.

Deuteronomio 32:8

Say Sankatageyan impabetang tod saray bansa iray dalin da; sikatoy angilira ed saray katoowan no iner so panayaman da. Anoro na sakey a mangatatawen a pinalsa a para balang sakey a bansa,

Deuteronomio 34:4

Insan say Katawan kuantod kinen Moises, “Saman so dalin ya insipan kod kindi Abraham, Isaac, Jacob ya iter kod saray kabyangay boleg da. Impanengneng kod sika, balet ag ta ka palooben diman.”

Deuteronomio 4:37

Lapud inaro to ray lalaki yo, pinili to kayo, tan lapud baleg a pakayari to sikaton diliy angipaway ed sikayo manlapud Egipto.

Deuteronomio 9:5

Say Katawan et pakakayaryan tod sikayo so dalin da, aliwan lapud maung kayon totoo tan gagawaen yo so katunongan. Pataynanen to ra lapud maoges ira tan lapud labay ton tooren imay insipan tod saray lalaki yo ya Abraham, Isaac, tan Jacob.

Saray Hebreo 9:15

Kanyan si Cristo so manamegley na balon sipanan, pian natawir na saray tinawag na Dios so andi-anggaan iran bindision ya insipan to. Nagawa ya lapud walay inatey ya amaandiy kasalanan da ray totoo nen wala ni rad silong na onaan a sipanan.

Josue 1:2

Inkuanto, “Inatey la si aripen kon Moises. Mamparaan kayo la sirin, sika tan amin da ray totood Israel; baliw yoy Ilog na Jordan diad iyakar yod dalin ya iiter kod sikayo.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.