Genesis 17:5 - Maung A Balita Biblia

⁵ Aliwa lan Abram so ngaran mo, no ag ta Abraham la, ta gawaen ta kan ama na amayamay a bansa.

Maung a Balita Biblia

⁵ Aliwa lan Abram so ngaran mo, no ag ta Abraham la, ta gawaen ta kan ama na amayamay a bansa.

Genesis 17:5 Iomraidhean Croise

Genesis 17:15

Intuloy ni na Dios ya inkuan ed kinen Abraham, “Ag mo la tatawagen na Sarai so asawam; manlapu lad natan Sara so ngaran to.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Genesis 32:29

Inkuanen Jacob, “Ibagam met sirin so ngaran mo.” Balet inmebat, “Akin et labay mo nin naamtaan so ngaran ko?” Binindisionan tod satan si Jacob.

Genesis 35:10

Inkuan na Dios ed sikato, “Jacob so ngaran mo, balet manlapud natan Israel la.” Kanyan Israel so inngaran na Dios ed sikato.

2 Samuel 12:25

tan ingganggan toy Natan a ngaranan toy ogaw na Jedidia, ta inaro na Katawan.

1 Saray Awaran 1:27

tan si Abram (a manngaran met na Abraham).

Nehemias 9:7

Sika, Katawan a Dios, sika so amili ed kinen Abram tan impaway mo manlapud baley na Ur diad Babilonia; sinalatan mo so ngaran to na Abraham.

Isaias 65:15

Ikana na saray pinilik a totoo so ngaran yo a sakey a samba. Siak a Katawan a Dios pateyen ta tayo. Balet itdan ko na balon ngaran iray mangoonur ed siak.

Jeremias 20:3

Diad kaimbuas, nen impaokbaran ak la nen Pasur, inkuankod sikato, “Aliwan Pasur so impangingaran na Katawan ed sika. Initdan to ka na ngaran a ‘Makapataktakot ed Anggan Iner a Pasen.’

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Saray Bilang 13:16

Sikara yay ispian imbaki nen Moises a mannengneng ed dalin. Sinalatan to na Josue so ngaran nen Oseas a lakin anak nen Nun.

Juan 1:42

Insan intagar toy Simon ed kinen Jesus. Ninengneng nen Jesus tan kuanto, “Sikay Simon ya anak nen Juan. Nangaranan ka na Cefas.” (Say ngaran a Cefas, kapara toy ngaran a Pedro.)

Saray Taga Roma 4:17

Onyay ibabagay Masanton Sulat: “Ginawa ta kan ama na amayamay a bansa.” Makana yan sipan ed arap na Dios a sinisia nen Abraham, say Dios a mamapabilay ed saray inaatey, tan mamapalesa ed saray anggapo diad panamegley na salita to.

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.