Genesis 17:21 - Maung A Balita Biblia

²¹ Balet tooren koy impisipanan kod anak mon Isaac ya iyanak nen Sara diad singa onyan panaon, no ontombuk a taon.”

Maung a Balita Biblia

²¹ Balet tooren koy impisipanan kod anak mon Isaac ya iyanak nen Sara diad singa onyan panaon, no ontombuk a taon.

Genesis 17:21 Iomraidhean Croise

Genesis 17:19

Balet inkuan na Dios, “Andi. Mananak na sakey a laki si Sara ya asawam tan ingaran mo na Isaac. Tooren ko so impisipanan kod sikato tan saray kabyangay boleg to. Anggad-angga yan sipanan.

Genesis 18:10

Inkuan na sakey ed sikara, “Siam bulan a manlapud natan, ompawil ak dia, et wala lad satan so lakin anak nen Sara.” Wadmay Sara ya onderengel ed biek na puirta a nibeneg nen Abraham.

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

Genesis 21:1

Binindisionan na Katawan si Sara, onung na insipan to.

Genesis 46:1

Binalkut nen Jacob so amin a kayaryan to, linmad Beer-seba, tan diman angisaklang na saray bagat ed Dios nen ama ton Isaac.

Genesis 48:15

Insan to binindisionan ni Jose: “Sarayan lalaki bindisionan ira komun na Dios, say Dios a nilingkuran di amak ya Abraham tan amak ya Isaac! Bindisionan ira komun na Dios ya angiwanwan ed siak ya anggad sayan agew!

Say Libro nen Job 14:13

Iyamut mo ak komun ed pasen a panaayaman da ray inaatey; iyamut mo ak diman ya anggad napakepay pasnuk mo, insan iganam so panaon a nunoten mo ak.

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Lucas 1:55

anunotan ton kinasian ya anggad angga si Abraham tan saray anak to!”

Lucas 1:72

Imbaga to met a kasian to ray lalaki tayo, tan nunoten toy masanton impisipanan to.

Saray Gawgawa 1:7

Inmebat si Jesus, “Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.

Saray Taga Roma 9:9

Ta onya so sipan, “Diad duga-rugan oras a singa onya, ompawil ak et mananak na sakey a laki si Sara.”

TAGA GALACIA 3:29

No kayaryan kayo nen Cristo, kabyangan ki sirin na saray apo nen Abraham, tan tumatawir kayoy insipay Dios.

Saray Hebreo 11:9

Lapud pananisia, nanayam a singa sangkaili ed bansa ya insipay Dios ed sikato. Nanayam diman ed saray tulda, tan kaiba to ra di Isaac tan Jacob ya angawat met ed Dios na namparan sipan.