Genesis 17:17 - Maung A Balita Biblia

¹⁷ Dinmakmomo si Abraham ya anggad dalin so lupa to, balet akalek nen ninunot tod sikaton dili, “Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to?”

Maung a Balita Biblia

¹⁷ Dinmakmomo si Abraham ya anggad dalin so lupa to, balet akalek nen ninunot tod sikaton dili, Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to?

Genesis 17:17 Iomraidhean Croise

Genesis 17:18

Inkuantod Dios, “Abuloyan mo lay Ismael a sikato lay mananawir ko!”

Genesis 17:3

Dinmakmomoy Abram ya anggad dalin so lupa to, insan inkuan na Dios.

Genesis 18:11

Mataktakken la ra di Abraham tan Sara, tan ag la naliliberay Sara.

Genesis 18:12

Kanyan inmelek a bukor si Sara tan inkuantod sikaton dili, “Natan ta akolaw ak la, manliket ak ni kasin miakdul? Insan sakey ni, matakken met lay masiken ko.”

Genesis 21:5

Sanlasus taon la nen Abraham nen nianak si Isaac.

Genesis 21:6

Inkuanen Sara, “Makapagayaga tan makapalek so ginaway Dios ed siak; siopamay makadngel ed saya mielek met ed siak.”

Genesis 21:7

Insan inkuanto ni, “Wala kasiy akakpel ya angibagad kinen Abraham a mampasuso ak niy ogaw? Anggaman ontan, nananak kami na sakey a laki, anta matakken lay masiken ko.”

1 Saray Awaran 21:16

Tinmangay si David et anengneng to may anghil a manalalagey ed liwang, sankabembenan toy ispada to, tan akaparaan lan maneral ed Jerusalem. Insan si David tan saray pangulo da ray totoo—akakawes iran amin na sako—dinmakmomo ra ya anggad dalin.

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.

Ezekiel 1:28

tan walad sikatoy amin a kolor na bunlalakaw. Sikato yay mankidyam a liwawan mangipapanengneng na kiwawala na Katawan.

Daniel 8:17

Dinmagoy Gabriel tan nanalagey ed abay ko, tan lapud mapalaloy inkataktakot ko niparugso ak ed dalin. Inkuantod siak, “Sika a toon ompatey, talusan moy kabaliksan na pasingayew a nipaakar ed anggaay mundo.”

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Saray Bilang 14:5

Insan si Moises tan si Aaron dinmakmomo ra ya anggad dalin diad arap na amin a totoo.

Saray Bilang 16:22

Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”

Saray Bilang 16:45

“Arawian yo ra yan totoo, ta deralen ko ran tampol ed kawalaan da!” Dinmakmomon anggad dalin ira may duara,

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Lucas 1:18

Inkuanen Zacarias ed samay anghil, “Panon ko a naamtaan a nagawa yan tua, anta masikesiken ak la tan akolakolaw met lay asawak?”

Juan 8:56

Nanliket si ama yon Abraham nen akabatan ton nanengneng toy agew ya isabik. Anengneng to tan nanliket.”

Deuteronomio 9:18

Insan apataploy agew tan labin tinmikleb ak lamet ed arap na Katawan tan ag ak balut angan o inminom. Ginawak iman lapud nankasalanan kayod Katawan tan impanpasnuk yo.

Deuteronomio 9:25

“Kanyan tinmikleb ak ed arap na Katawan ed saraman ya apataploy agew tan labi, lapud imbaga ton pateyen to kayo la.

Josue 5:14

“Andi,” ebat na samay laki. “Wadya ak a pangulo na saray sondalo na Katawan.” Tinmiblak ed dalin si Josue diad impangigalang to tan kuanto, “Siak so aripen mo. Antoy labay mon pagawad siak?”

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.

Puyan 11:16

Insan saramay duamplo tan apat a mamatakken a manyodyorung ed saray trono rad arap na Dios, dinmakmomo ra tan inggalang day Dios,

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.

Saray Huis 13:20

Legan a mamapaatagey manlapud samay altar so apoy, anengneng Manoa tan samay asawa to imay anghil na Katawan dimad apoy a nampaatagey ed tawen. Abirbir ed satan nen Manoa a samay laki et anghil na Katawan, kanyan tinmikleb iran duad dalin nen asawa to. Ag da lan balut anengneng imay anghil.