Genesis 17:10 - Maung A Balita Biblia

¹⁰ Nakaukolan a sika tan saray kabyangay boleg mo et pasegat yo so balang sakey a laki ed sikayo.

Maung a Balita Biblia

¹⁰ Nakaukolan a sika tan saray kabyangay boleg mo et pasegat yo so balang sakey a laki ed sikayo.

Genesis 17:10 Iomraidhean Croise

Genesis 17:11

Manlapud natan nakaukolan a pasegat yoy ogaw a laki no waloy agew to; pasegat yo met iray aripen a nianak ed abung yo tan saray aripen a sinaliw yod arum a bansa. Sikato yay tanda na sipanan tayo.

Genesis 17:23

Diad saman lamlamang ya agew, inonur nen Abraham so imbagay Dios, ta sinegat toy anak ton Ismael tan amin da ray lalakid abung to, pati saray aripen a nianak ed abung to tan saray aripen a sinaliw to.

Genesis 17:27

pati saray amin ya aripen nen Abraham.

Genesis 21:4

Nen waloy agew to, sinegat nen Abraham, onung na ingganggay Dios.

Genesis 34:15

Onabuloy kami labat no magmaliw kayon singa sikami, diad pamasegat yod amin a lalaki ed sikayo.

Genesis 34:22

Balet manayam ira dia tan mikasakey irad sikatayo, no pasegat tayon amin iray lalaki ed sikatayo a singa sikara.

Exodo 12:48

balet ag nayarin mangan so toon ag asegat. No manayam lad bansa so sakey a taga arum a bansa tan labay ton silibraan so Paskua a pamagalang ed Katawan, nepeg yo nin segaten ya amin iray lalaki ed pamilya to. Sikatod satan so nipasen a sakey a nianak ya Israelita tan nayarian toy mibiang ed pista.

Exodo 4:25

Insan angalan tampol si Zipora ya asawa to na matdem a bato tan pinotut toy ngaroy kayaryan na anak ton laki, insan to indiwit imay apotut a laman ed saray sali nen Moises. Lapud sirimonya na panagsegat inkuantod kinen Moises, “Sika so asawak ed dala!” Lapud saya ag la intuloy na Katawan a pateyen si Moises.

Jeremias 4:4

Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.”

Juan 7:22

“Lapud ingganggan kayo nen Moises a mampasegat (aliwan si Moises so angigapod saya no ag saray lalaki yo), manesegat kayoy ogaw a laki ya anggan Agew na Panagpainawa.

Saray Gawgawa 7:8

Insan ingganggay Dios ed kinen Abraham so panagsegat, a tanday impisipanan to. Kanyan sinegat nen Abraham si Isaac nen kumawaloy agew nanlapud inkianak to. Sinegat nen Isaac si Jacob, tan onya met so ginawa nen Jacob ed saray labinduan patriarka.

Saray Taga Roma 2:28

Ta aliwan petepeteg a Judio so sakey a toon asegat tan Judio ray atateng to.

Saray Taga Roma 3:25

Imbagat na Dios si Cristo pian, diad panamegley na tinmerter a dala to, napirdona so kasalanay totoo lapud pananisia rad sikato. Ginawa ya na Dios, pian nipanengneng a sikatoy matonung, ta nananos nen saman tan pinalabas toy kasalanay katoowan.

Saray Taga Roma 3:28

Ta malinew lad kanunotan tayo a naandiay kasalanan so too diad panamegley na pananisia tod Cristo, aliwan lapud panangonur tod ibabagay Ganggan.

Saray Taga Roma 3:30

ta saksakey so Dios. Judio o Hintil man ira, paandien na Dios iray kasalanan da diad panamegley na pananisia rad Cristo.

TAGA GALACIA 3:28

Anggapo la siriy pandomaan da ray Judio tan saray Hintil, saray aripen tan saray aliwan aripen, saray lalaki tan saray bibii; saksakey kin amin diad pikakasakey yod Cristo Jesus.

TAGA GALACIA 6:12

Saray totoon labay dan ipasirayew iray bengatlan nanengneng, sikaray mamapasoot a mampasegat kayo. Balet gagawaen da ya, ta ag da labay so napairap lapud krus nen Cristo.

TAGA-EFESO 2:11

Kanyan nunot yoy gendat a kipapasen yo: nianak kayon Hintil, tan saray Judio a tatawagen day sikaran dili ya asegat, (onung ed gagawaey totood saray laman da) et tatawagen da kayon ag atandaay segat.

Deuteronomio 10:16

Kanyan sirin, manlapud natan toluk kayod Katawan tan ekal yoy inkaawet na olo yo.

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

Josue 5:2

Insan inkuan na Katawan ed kinen Josue, “Manggawa ka na saray yuron bato ta segat mo ray Israelita.”

Josue 5:4

Nen tinaynan na saray Israelita so Egipto, asegat la ray amin a lalaki, balet legan na apataploy taon na imbeltang na saray totoo diad kalawakan, anggapoy ogaw a lakin asegat. Diad kalabas na saman a panaon amin da ray lalakin nayarian day mibakal nen tinaynan day Egipto et inaatey ira lapud sinumlang day Katawan. Onung na sinambaan to, ag ira naabuloyan a makanengneng ed mayaman tan mataban dalin ya insipan tod saray lalaki ra.