Genesis 16:13 - Maung A Balita Biblia

¹³ Tinepet nen Agar ed sikaton dili, “Anengneng ko tan talaga so Dios, et mabilay ak ni?” Inngaran to sirin so Katawan ya akisalitad sikato na, “Dios a Mannenengneng.”

Maung a Balita Biblia

¹³ Tinepet nen Agar ed sikaton dili, Anengneng ko tan talaga so Dios, et mabilay ak ni? Inngaran to sirin so Katawan ya akisalitad sikato na, Dios a Mannenengneng.

Genesis 16:13 Iomraidhean Croise

Genesis 16:7

Inabet na anghil na Katawan si Agar ed abay na sobul a walad kalawakan, diad dalan a mamaarap ed Sur,

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Genesis 28:17

Tinmakot tan inkuanto, “Makapataktakot yan pasen! Talagan sikato yay abung na Dios tan puirtay tawen.”

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

Genesis 32:30

Inkuanen Jacob, “Anengneng koy Dios ed lupa-lupaan, et mabilay ak ni”; kanyan inngaran toy Peniel iman a pasen.

Genesis 32:31

Pinmaway lay agew nen ontataynan lay Jacob manlapud Peniel; mankitley lapud samay tapi to.

Exodo 24:11

Ag pinasakitan na Dios ira yan lalakin pangulo na Israel; anengneng day Dios, insan nantitipon iran angan tan inminom.

Probirbio 15:3

Sankanengneng na Katawan iray nagagawa ed inerman a pasen; bambantayan to itayo, maung man o maoges so gagawaen tayo.

Probirbio 5:21

Sankanengneng na Katawan ya amin iray gagawaen mo. Bambantayan to ka ed inermay laen mo.

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)