Genesis 15:8 - Maung A Balita Biblia

⁸ Balet tinepet nen Abram, “Katawan a DIOS, panoy pakaamtak a nakayaryan ko yan dalin?”

Maung a Balita Biblia

⁸ Balet tinepet nen Abram, Katawan a DIOS, panoy pakaamtak a nakayaryan ko yan dalin?

Genesis 15:8 Iomraidhean Croise

Genesis 15:9

Inmebat, “Awit ka diay sakey a baka, sakey a kanding, tan sakey a karniro, a mantaon iran amin na talora. Awit ka dia met na sakey a sibong na malapati tan sakey a palekpek.”

Genesis 28:4

Bindisionan to ka komun tan saray kabyangay boleg mo, a singa samay impamindision tod kinen Abraham, tan nakayaryan mo komun yan dalin a panaayaman mo tan sikatoy dalin ya inter na Dios ed kinen Abraham!”

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

2 Saray Arari 20:8

Tinepet nen Ari Ezekias, “Antoy pakapatnagan a paabigen ak na Katawan tan diad kumatlon agew et makakar ak ed Timplo?”

Saray Salmo 86:17

Katawan, ipanengneng mo pad siak so pakapatnagay kaabigan mo; pian nabaingan iray mamobosul ed siak, diad pakanengneng dan niligliwa tan tinulongan mo ak.

Isaias 7:11

“Kerew mod Katawan a Dios mo ya itdan to kay sakey a tanda. Nayarin manlapud pasen a panaayaman da ray inaatey itan a tanda odino manlapud tagey ed tawen.”

Jeremias 34:18

Saray opisyal ed Juda tan Jerusalem, pati saray opisyal ed palasio, saray papari, tan amin a pangulo et akisipanan irad siak diad panamegley na indalan dad nanleetan na pinaldua ran bakan kalakyan. Balet dineral da may sipanan, ta ag da inonur iray nepeg dan gawaen onung ed impisipanan da. Kanyan gawaen kod sarayan totoo so singa samay ginawa rad baka.

Lucas 1:18

Inkuanen Zacarias ed samay anghil, “Panon ko a naamtaan a nagawa yan tua, anta masikesiken ak la tan akolakolaw met lay asawak?”

Lucas 1:34

Inkuanen Maria ed samay anghil, “Panon yan nagawa, anta sakey ak a birhin?”