Genesis 15:6 - Maung A Balita Biblia

⁶ Anisiay Abram ed Katawan, tan lapud sayan pananisia to say Katawan impasen ton matonung si Abram.

Maung a Balita Biblia

⁶ Anisiay Abram ed Katawan, tan lapud sayan pananisia to say Katawan impasen ton matonung si Abram.

Genesis 15:6 Iomraidhean Croise

Nehemias 9:8

Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

Saray Salmo 106:31

Lapud saman a ginawa to nibilang a matonung si Finees manlapud saman a panaon ya anggad angga.

Saray Taga Roma 4:11

Sikatoy sinegat a tanday impamaandi na Dios ed kasalanan to lapud pananisia to nen ag ni asegat. Kanyan si Abraham et nagmaliw a maispiritun ama na amin da ray mananisian pinaandi na Dios iray kasalanan da, anggaman ya ag ira asegat.

Saray Taga Roma 4:9

Saya kasin liket et para labat ed saray atandaay segat? Andi, no ag ingen para met ed saray ag atandaay segat. Ta onung ed Masanton Sulat, ibabaga tayon pinaandi na Dios iray kasalanan nen Abraham lapud pananisia to.

2 CORINTO 5:19

Ipupulong min say Dios mikakaarod saray katoowan diad panamegley nen Cristo, tan lilingwanan to la ray kasalanan da. Et impia na Dios ed sikami yan balita.

Saray Hebreo 11:8

Lapud pananisia, inmonur si Abraham nen say Dios et tinawag ton onlad bansa ya insipan ton iter ed sikato. Tinaynan toy nianakan ton dalin, anggaman ya ag to amtay laen to.

Santiago 2:23

Tinmua so ibabagay Masanton Sulat, “Si Abraham anisiad Dios, tan lapud pananisia to, say Dios impasen ton matonung.” Sikato ni ingey atawag a kaaroy Dios.