Genesis 15:18 - Maung A Balita Biblia

¹⁸ Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Maung a Balita Biblia

¹⁸ Diad saman ya agew, akisipanan so Dios ed kinen Abram. Inkuanto, Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Genesis 15:18 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 13:15

amin a dalin a nabantag mo, iter kod sika tan diad saray kabyangay boleg mo, tan kayaryan mo ra ya anggad angga.

Genesis 2:14

Tigris so ngaran na kumatlon ilog; onaagos ed bandad bokig na Asiria, tan Eufrates so ngaran na kumapat ya ilog.

Genesis 24:7

Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko.

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Genesis 28:4

Bindisionan to ka komun tan saray kabyangay boleg mo, a singa samay impamindision tod kinen Abraham, tan nakayaryan mo komun yan dalin a panaayaman mo tan sikatoy dalin ya inter na Dios ed kinen Abraham!”

Genesis 35:12

Iter kod sikay dalin ya inter kod kindi Abraham tan Isaac, tan iter ko met ed saray kabyangay boleg mo no andi ka lad bilay.”

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

2 Samuel 23:5

Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

2 Samuel 8:3

Insan to tinaloy ari na Zoba a si Hadadezer a lakin anak nen Rehob, legan ya oonlay Hadadezer a mamapawil na pakaoley tod dalin a kaabay na Ilog na Eufrates.

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

1 Saray Arari 5:1

Si Ari Hiram na Tiro et kaaro nen David, kanyan nen nadngelan ton si Solomon so sinmalat ed ama ton David a manari, angibaki na pigaran opisyal to.

1 Saray Awaran 16:16

say impisipanan tod kinen Abraham, say sinambaan tod kinen Isaac.

1 Saray Awaran 5:9

Dakerakel iray ayayep dad dalin na Galaad, kanyan nanayam irad bokig na kalawakan ya anggad Ilog na Eufrates.

2 Saray Awaran 7:8

Pitoy agew a sinilibraan nen Solomon tan amin da ray Israelita so Pista na saray Abung-abung. Dinmago ya amin iray totood Israel, manlapud Dalan na Hamat diad baybay ya anggad ketegay Egipto diad abalaten.

2 Saray Awaran 8:7

Saray pinapasoot nen Solomon ya impankikimey et saray kabyangay boleg na saray totoon manaayam ed Canaan ya ag pinatey na saray Israelita nen nilooban day dalin. Kabyangan na sayan boleg iray totoon Amorreo, Heteo, Perezeo, Heveo, tan Jebuseo. Aripen ni ya anggad natan iray kabyangay boleg na sarayan totoo.

2 Saray Awaran 9:26

Sikatoy sankatalonaan a manoley ed amin da ray arari, manlapud Ilog na Eufrates ya anggad Filistia tan diad ketegan na Egipto.

Esdras 4:20

Nanooley diman iray ararin makapanyari tan inooleyan da so intiron luyag na Sagur na Eufrates, tan nanaala rad man na saray buis.

Nehemias 9:8

Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

Saray Salmo 105:11

“Iter kod sikay dalin na Canaan,” inkuanto. “Sikatoy tawiren mo.”

Exodo 13:11

“Say Katawan iyakar to kayo ed dalin na saray Cananeo, say dalin a sinambaan ton iter ed sikayo tan saray lalaki yo. No niiter to lad sikayo,

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Exodo 23:23

Onlan onona nen say sikayo so anghil ko tan iyakar to kayo ed dalin na saray Amorreo, saray Heteo, saray Perezeo, saray Cananeo, saray Heveo, tan saray Jebuseo, tan deralen ko ra.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 32:13

Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.”

Exodo 34:11

Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Exodo 34:24

Kayarik a pagiten iray totood bansan looban yo tan no apaawang ko lay dalin yo, anggapo lad satay toon manakop na bansa yo legan na taloran pista ya abitla.

Exodo 6:4

Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man.

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Isaias 27:12

Diad satan ya agew, manlapud Eufrates ya anggad ketegan na Egipto, say Katawan tiponen ton sansakey iray totoo to, a singa say kibiig na ilik ed apa no iiliken.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Jeremias 32:22

Inter mod sikara yan mayaman tan mataban dalin, onung na insipan mod saray lalaki ra.

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Levitico 26:45

Pasimbaloen koy impisipanan kod saray lalaki ra nen impanengneng kod amin a bansa so pakayarik diad impangipaway kod saray totook manlapud Egipto, pian siak a Katawan so magmaliw a Dios da.”

Saray Bilang 34:5

a dimay likoan ton mamaarap ed patar a kawalaan na ketegan na Egipto tan mansamput ed Dayat na Mediteraneo.

Saray Gawgawa 7:5

Ag initday Dios na anggan sankarangan a dalin dia, balet insipan ton magmaliw lamlamang a kayaryan to tan saray kabyangay boleg to. Nen insipan ya na Dios, anggapo niy anak nen Abraham.

Deuteronomio 11:24

Amin a dalin a nabatak yo et kayaryan yo. Say dalin yo et sakopen to so manlapud kalawakan diad abalaten ya anggad Kapalandeyan na Libano diad baybay, tan manlapud Ilog na Eufrates diad bokig ya anggad Dayat na Mediteraneo diad sagur.

Deuteronomio 12:20

“No apaawang la na Katawan a Dios yo so dalin yo onung na insipan to, nayarian yoy mangan na karni kapag nanunotan yo.

Deuteronomio 19:8

“No apaawang la na Katawan a Dios yo so dalin yo, onung na insipan tod saray lalaki yo, tan niiter to lay amin a dalin ya insipan to,

Deuteronomio 34:4

Insan say Katawan kuantod kinen Moises, “Saman so dalin ya insipan kod kindi Abraham, Isaac, Jacob ya iter kod saray kabyangay boleg da. Impanengneng kod sika, balet ag ta ka palooben diman.”

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Josue 13:3

ontan met ed intiron dalin a sakop na saray Avim ya anggad abalaten. (Say dalin a manlapud kolus na Sihor, diad ketegan na Egipto ya anggad baybay diad ketegan na Ekron et sakop na saray Cananeo; saray ari na Filistia et manaayam irad Gaza, Asdod, Askelon, Gat, Ekron.)

Josue 15:4

ondalan ed Azmon, tan tontonen toy kolus a walad ketegan na Egipto tan talusen toy Dayat na Mediteraneo a sikatoy pansamputan na ketegan. Sikato yay ketegan na Juda ed bandad abalaten.

Puyan 9:14

Inkuanto may bosis ed kumanem ya anghil a walay trumpita, “Ibolus mo ray apatiran anghil ya abalur ed baleg ya Ilog na Eufrates.”