Genesis 15:13 - Maung A Balita Biblia

¹³ Inkuan na Katawan ed sikato, “Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Maung a Balita Biblia

¹³ Inkuan na Katawan ed sikato, Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Genesis 15:13 Iomraidhean Croise

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.”

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Genesis 47:4

Linma kami dian manayam ed sayan bansa, ta lapud mapalalon eras ed Canaan, anggapoy pangipastolan mid saray karniro mi. Abuloyan yo kami pan manayam ed Gosen.”

Saray Salmo 105:42

Anunotan toy masanton sipan to ed kinen Abraham ya aripen to.

Exodo 1:11

Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Exodo 1:13

kanyan impagmaliw dan masegsegang so bilay da. Pinapasoot da ran inaripen. Impankikimey da rad panagmasa na dalin tan diad panaggawa na laryo; impankikimey da met ni rad kaalogan da. Ag da ran balut kinasian.

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Exodo 22:21

“Ag yo lulukoen odino papairapen so sangkaili; ag yo lilingwanan a sangkaili kayo met nen saman ed Egipto.

Exodo 23:9

“Ag yo papairapen so sangkaili; amta yo so liknaan na sangkaili lapud sangkaili kayo met nen saman ed Egipto.

Exodo 3:10

Natan, ibaki ta ka ed ari na Egipto, pian nipaway mod bansa to iray totook ya Israelita.”

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Saray Bilang 20:15

no panon so inyakar ed Egipto na saray lalaki mi, a dimay nanayaman mi na pigapigay taon. Saray Egipsio et pinapairap da ray lalaki mi tan ontan met ed sikami.

Saray Gawgawa 7:17

“Nen asingger lay panaon na panumpal na Dios ed samay sipan tod kinen Abraham, dakerakel la ray Israelita ed Egipto.

TAGA GALACIA 3:17

Sayay labay kon ibaga: pinaletay Dios so sakey a sipanan tan insipan to a sumpalen. Saman a sipanan et ag nayarin deraley Ganggan a sinmabi kalabas na apat a lasus tan talomplon taon, tan ag to naekalay kakanaan so sipay Dios.

Deuteronomio 10:19

Kanyan sirin, aro yo ra yan sangkaili, ta sangkaili kayo met nen saman ed Egipto.

Deuteronomio 5:15

Nunot mo ya aripen ka nen saman ed Egipto, tan siak a Katawan a Dios mo et impaway ta kad man diad panamegley na baleg a pakayarik tan biskeg ko. Kanyan igaganggan ta kan ngilinan mo so Agew na Panagpainawa.