Genesis 14:22 - Maung A Balita Biblia

²² Inmebat si Abram, “Sambaan kod Katawan, say Sankatageyan a Dios a Manamalsay tawen tan dalin,

Maung a Balita Biblia

²² Inmebat si Abram, Sambaan kod Katawan, say Sankatageyan a Dios a Manamalsay tawen tan dalin,

Genesis 14:22 Iomraidhean Croise

Genesis 14:21

Inkuan na samay ari na Sodoma ed kinen Abram, “Kayaryan mo la tay asamsam mo; ipawil mo labat ed siak iray amin a totook.”

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 21:33

Angitanem si Abraham na sakey a kiew a tamariski ed Beer-seba, tan inggalang toy Katawan, say andi-anggaan a Dios.

Genesis 24:3

Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko.

2 Samuel 2:5

angibakid man na pigaran lalaki tan impaikuanto: “Bindisionan kayo komuy Katawan lapud impangipanengneng yoy inkatoor yod Saul ya ari yo diad impangipompon yod sikato.

2 Saray Arari 5:16

Inmebat si Eliseo, “Diad ngaran na mabilay a Katawan a panlilingkuran ko, ag ak mangawat na antokaman a rigalo.” Ipapasoot nen Naaman ya iter, balet ag to awaten.

1 Saray Awaran 29:11

Kayaryan mo, Katawan, so talonggaring, pakapanyari, pananalo, kagalangan, tan tanduro. Kayaryan moy amin a bengatlad tawen tan diad dalin. Sika so ari tan sankatageyan a manoley ed ganagana.

Saray Salmo 144:11

Iyagel mo ak pad saray maruksan kalaban ko, ilaban mo ak pad pakayari da ray totoon taga arum a bansa, saray anggapoy tua ed antokaman a sasalitaen da tan mantitila ra anggan sinambaan da a say katwaan so ibaga ra.

Saray Salmo 144:8

saray totoon tilay sasalitaen da, tan mantitila ra anggan sinambaan da a say katwaan so ibaga ra.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Saray Salmo 83:18

Naamtaan da komun a sika labat so Katawan say Sankatageyan a manoley ed sankamundoan.

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Daniel 12:7

Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, “Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.”

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Aggeo 2:8

Kayaryan kon amin iray pilak tan balituk ed intiron mundo.

Deuteronomio 10:14

Kayaryan na Katawan so anggan saray sankatageyan a katawenan; kayaryan to met so mundo, tan amin a logan to.

Deuteronomio 32:40

Legan a siak so mabilay a Dios, iyatagey koy limak tan sambaan ko

Saray Huis 11:35

Kanengneng tod sikato, pinilat toy kawes tod ermen to tan kuanto, “O anak ko! Paniingeten moy pagew ko! Akin et sikay makasengeg na mapalalon kagunigon ko. Walay sinambaan kod Katawan, et ag ko la nababawi.”