Genesis 13:13 - Maung A Balita Biblia

¹³ Maoges iray totood man; mapalaloy kasalanan dad Katawan.

Maung a Balita Biblia

¹³ Maoges iray totood man; mapalaloy kasalanan dad Katawan.

Genesis 13:13 Iomraidhean Croise

Genesis 10:9

Lapud tulong na Katawan, nagmaliw a sakey a makapanyarin marunong ya umaanup, kanyan pibitla ra, “Say Katawan gawaen to ka komun a marunong ya umaanup a singa si Nimrod!”

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.”

Genesis 18:20

Insan inkuan na Katawan ed kinen Abraham, “Makapataktakot iray dalem ed siak sumpad Sodoma tan Gomorra, tan balbaleg so kasalanan da.

Genesis 19:13

ta deralen mi yan lugar. Nadngel na Katawan iray makapataktakot a dalem a sumpad sarayan totoo, kanyan imbaki to kamin maneral ed Sodoma.”

Genesis 38:7

Maoges so kagagawa nen Er, kanyan nampasnuk so Katawan tan pinatey to.

Genesis 39:9

Nampara lay pakaoley mi ed sayan abung tan anggapoy ag to inter ed siak, likud ed sika. Ag ko nayarian a gawaen itan a kabandayan, ta mankasalanan ak ed Dios.”

Genesis 6:11

Balet maoges ya amin iray arum a totoo, tan kinmayat so kaogsan ed amin a pasen.

2 Saray Arari 21:6

Insaklang ton bagat a popoolan so lakin anak to. Nambubuyon tan nampaparles tan nampapanon ed saray panagpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Saray Bilang 32:23

Balet no ag yo sumpalen so sipan yo, pasakbayan ta kayo a mankasalanan kayod Katawan. Andi-duaruwad satan a nadusa kayo lapud kasalanan yo.

Mateo 9:10

Nen mangakan ed abung nen Mateo si Jesus tan saray disipulo to, amayamay iray sinmabin sumisingil na buis tan saray makasalanan, tan akirongo ra.

Mateo 9:13

Laki la tan aral yoy kabaliksan na sayan ibabagay Masanton sulat: ‘Say panangasi so labay ko, aliwan say pangibagat na ayayep.’ Ag ak dia linman manawag ed saray matonung, no ag ingen linma ak dian manawag ed saray makasalanan.”

Juan 9:24

Kanyan impatawag da lamet imay toon nianak a bulag tan kuanda, “Pagalangan moy Dios diad pangibagam na katwaan! Amta min makasalanan iman a too.”

Juan 9:31

Amta tayon ag dedengelen na Dios iray makasalanan. Say dedengelen to say toon matway pangigalang tod Dios tan mangoonur na linawa to.

Saray Taga Roma 1:27

Ontan met a saray lalaki ikakaindan day impamalsaan ed sikaran miakdul irad bibii, tan ompepetang so marorotak a liknaan dad kapara ran lalaki. Mabambanday so gagawaen da ray lalaki ed kapara ran lalaki, kanyan nadudusa ra onung ed kanepegay maoges a gagawaen da.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

2 Pedro 2:10

lalo lad saray mangoonur ed maoges a liket na laman tan ag mangabkabilangan ed pakaoley na Dios. Bengatbengat tan mapaatagey ira yan ibabagak a tila-tilan bumabangat. Balbalawen tan pabpabaingan da ray gagalangen a pinalsan walad tawen.

Judas 1:7

Nunot yo met so Sodoma, Gomorra, tan saray kaliber-liber dan baley. Lapu met ed impanggawa da ray totood man na inmoralidad tan saray kasalanan sumpad inkatoo ra, manlilikna ray dusa ed andi-anggaan ya apoy, a sikatoy pamasakbay ed amin a katoowan.

1 Samuel 15:18

tan ingganggan to kan mamatey ed saray Amalecitan maoges a totoo. Imbaga ton labanan yo ra ya anggad napatey yo ran amin.

1 Samuel 2:17

Sayan kasalanan na saray lalakin anak nen Eli et ambelat a tuloy ed arap na Katawan, lapud nilemlemew da ray bagat ed Katawan.