Genesis 10:5 - Maung A Balita Biblia

⁵ Sikara yay sengeg na saray totoon manaayam ed saray gilig na dayat tan diad saray isla. Anak tan apo nen Jafet ira yan amin; manaayam so balang sakey ed dilin tribu tan bansa to, tan walay dilin salita na balang tribu.

Maung a Balita Biblia

⁵ Sikara yay sengeg na saray totoon manaayam ed saray gilig na dayat tan diad saray isla. Anak tan apo nen Jafet ira yan amin; manaayam so balang sakey ed dilin tribu tan bansa to, tan walay dilin salita na balang tribu.

Genesis 10:5 Iomraidhean Croise

Genesis 10:20

Sikara yay kabyangay boleg nen Ham; manaayam so balang sakey ed sikara diad dilin tribu tan bansa to, tan walay dilin salita na balang tribu.

Genesis 10:25

Duaray anak nen Eber: Peleg so ngaray sakey, ta nen panaon to naapag-apag iray totood mundo; Joktan so ngaray sakey.

Genesis 10:32

Si Noe so sengeg na amin da ra yan totoo, a walay bansa ra tan kailalakan da. Kasumpal na delap, saray anak nen Noe so sengeg na amin a totood balang bansa ed tapew na dalin.

Genesis 10:4

Saray lalakin anak nen Javan sikara di Elisa, Espanya, Chipre, tan Dodanim.

Genesis 10:6

Saray lalakin anak nen Ham et di Cus, Egipto, Libia, tan Canaan.

Genesis 9:19

Sarayan taloran anak nen Noe et sikaray sengeg na amin a totoo ed tapew na dalin.

Ester 10:1

Pinasoot nen Ari Asuero ya impanbayar na buis iray totoon manaayam ed gilig na dayat tan saray manaayam ed bandad loob na impirio to.

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 24:15

tan saray walad Bokig idayew da. Saray totoon manaayam ed gilig na dayat et idayew day Katawan a Dios na Israel.

Isaias 40:15

Anggapoy wala ed Katawan iray bansa, singa ra labat sankaterter a danum; singa labat kalemew na dabuk iray ararawin isla.

Isaias 41:5

“Saray totood saray arawin dalin anengneng day ginagawak; manggiwgiw irad takot da. Kanyan nantitipon iran amin tan dinmago ra.

Isaias 42:10

Mankanta kayoy balon kanta ed Katawan; ikantam so dayew to, o intiron mundo. Idayew yo, sikayon mambiabiahid dayat; idayew yo, amin yon pinalsa a walad dayat! Mankanta kayo, sikayo ran arawin dalin tan amin yon manaayam ditan!

Isaias 42:4

Ag naekalan na ilalo odino biskeg na linawa; iletneg tod mundo so inkatonung. Pampilalekan ya aalagaren na saray ararawin bansa so bangat to.”

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 51:5

Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Isaias 59:18

Dusaen to ray kalaban to onung ed saray ginawa ra, pati saray manaayam ed saray arawin dalin.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Jeremias 2:10

Lakad sagur ya anggad isla na Chipre tan mangibaki kad bokig ya anggad Kedar. Nanengneng mo ya anggapoy singa onyan agawa nen saman.

Ezekiel 26:15

Say Katawan a Dios wala yan nibaga to ed siudad na Tiro: No nadadakep ka, nataktakot iray totoon manaayam ed gilig na dayat diad pakadngel dad paneyag na saray amayamay a napapatey.

Ezekiel 26:18

Natan, diad agew na inkageba na siudad, Manggiwgiw iray isla, Tan atalagnaw iray totoo ra lapud inkaderal to.”

Daniel 11:18

Kayari tod saya, dogpaan to ray bansan walad gilig na dayat tan nadakep toy amayamay ed saraya. Balet sakey a pangulo na arum a bansa so manalod sikato tan patondaen toy panagpaatagey to; ipawil ton tua ed sikato so panagpaatagey na ari na Siria.

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Deuteronomio 32:8

Say Sankatageyan impabetang tod saray bansa iray dalin da; sikatoy angilira ed saray katoowan no iner so panayaman da. Anoro na sakey a mangatatawen a pinalsa a para balang sakey a bansa,