Genesis 10:22 - Maung A Balita Biblia

²² Saray lalakin anak to sikara di Elam, Asur, Arpaksad, Lud, tan Aram.

Maung a Balita Biblia

²² Saray lalakin anak to sikara di Elam, Asur, Arpaksad, Lud, tan Aram.

Genesis 10:22 Iomraidhean Croise

Genesis 10:21

Si Sem a pangulowan ya agi nen Jafet so sengeg na amin da ray Hebreo.

Genesis 11:10

Sikara yay kabyangay boleg nen Sem. Kalabas na duay taon kayari to may linmabas a delap, si Sem, nen mantaon na sanlasus, walay anak ton laki a manngaray Arpaksad.

Genesis 9:26

Nagalang komun so Katawan, say Dios nen Sem! Magmaliw ya aripen nen Sem si Canaan.

2 Saray Arari 15:19

Nilabanan nen Impirador Tiglat-pileser na Asiria so Israel, et initdan nen Menahem na talomplo tan walon toniladan pilak, pian pansiansiaen ton manoley ed Israel.

Say Libro nen Job 1:17

Mansasalita ni nen sinmabi so sakey nin aripen tan kuanto, “Dinogpaan kami na taloran grupo na saray Caldeo, imbatik da ray kamilyom. Pinatey day amin ya aripen mo likud labat ed siak. Siak labat so akabatik, kanyan wadya ak a mangibalitad sika.”

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 22:6

Sinmabin akakabayo iray sondalon taga bansa na Elam, tan sankaawit day pana. Saray sondalon taga Kir imparaan da ray samper da.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Ezekiel 32:24

“Wadman so Elam, ya aliber-liber na saray lobuk da ray sondalo to. Apatey iran amin ed bakal, tan ag ira asegat a niakar ed pasen a panaayaman da ray inaatey. Nen mabilay ni ra nantataktakot ira, balet natan akarokul iran inaatey tan naplag irad kababaingan.

Daniel 8:2

Diad sayan pasingayew biglan niwala ak ed dalem na aliber na padir a siudad na Susa diad luyag na Elam. Manalalagey ak ed gilig na Ilog na Ulai,

Saray Bilang 23:7

Imbalikas nen Balaam so sayan propisiya: “Manlapud Aram ed nibokig iran kapalandeyan Impaawit ak nen Balak ya ari na Moab. Inkuanto, ‘Gala, ta isalitaan mo ak, Isamban iray Israelita.’

Saray Bilang 24:22

Balet naderal kayo, sikayon Cineo No dakepen kayo na saray taga Asiria.”

Lucas 3:36

Si Sela anak nen Cainan, ya anak nen Arfajad, ya anak nen Sem. Si Sem anak nen Noe, ya anak nen Lamec,

Saray Gawgawa 2:9

Taga itayo Partia, Media, tan Elam; taga Mesopotamia, Judea, tan Capadocia, taga Ponto tan Asia;