Genesis 1:14 - Maung A Balita Biblia

¹⁴ Insan inkuan na Dios, “Onlesa ed tawen iray silew a mangibiig na agew ed labi tan mangipanengneng na igapo na saray agew, taon, tan saray panaon;

Maung a Balita Biblia

¹⁴ Insan inkuan na Dios, Onlesa ed tawen iray silew a mangibiig na agew ed labi tan mangipanengneng na igapo na saray agew, taon, tan saray panaon;

Genesis 1:14 Iomraidhean Croise

Genesis 1:13

Linmabas so labi tan sinmabiy kabwasan—sikato ya so kumatlon agew.

Genesis 1:15

onsilew irad tawen a mangiter na liwawa ed dalin”—et agawa.

Genesis 8:22

Anggad wala niy mundo, walan walay panaon na panagtanem tan panaon na panagani, walay panaon na ambetel tan say panaon na ampetang, say tiagew tan say nepnep, say agew tan say labi.”

Genesis 9:13

paletawen kod lorem so bunlalakaw. Sikato yay tanda na impisipanan kod mundo.

Say Libro nen Job 25:3

Wala tay makabilang ed saray managlingkur ton anghil? Wala tay pasen ya ag nasindagan na silew na Dios?

Say Libro nen Job 25:5

Diad pakanengneng to, anggan say bulan aliwan maliwawa, tan saray bitewen aliwan malinis.

Say Libro nen Job 3:9

Ag la komun onsinag so kabontalala ed kabwasan; naandian la komun na ilalo iman a labi ya onsabiy palbangon.

Saray Salmo 119:91

Mansiasiansia ya anggad natan iray amin a bengatla lapud ganggan mo, ta aripen mo ran amin.

Saray Salmo 148:3

Idayew yo, sikayon agew tan bulan; idayew yo, sikayo ran masnag a bitewen.

Saray Salmo 148:6

diad panamegley na ganggan to, andi-anggaan a nilira ra ed saray pasen da, et ag da nayarin sumlangen.

Saray Salmo 150:1

Idayew yoy Katawan! Idayew yoy Dios diad Timplo to! Idayew yoy biskeg to diad tawen!

Saray Salmo 81:3

Sibuk yoy trumpita a pangipakabat na pista, no balo so bulan tan no tulaw.

Isaias 40:26

Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!

Jeremias 10:2

Kuanto, “Ag yo aaligen so kabibilay na saray totoo ed arum a bansa, tan ag kayo nagugunigon ed saray tanda a nanengneng yo ed tawen, anggaman a natatakot iray taga arum a bansa.

Jeremias 31:35

Say Katawan iiter toy agew a manliwawa no agew tan say bulan tan saray bitewen a manindag no labi. Kimbogen toy dayat, kanyan onungol iray daluyon to; Yahweh a Makapanyarin-amin so ngaran to.

Jeremias 33:20

“Akisipanan ak ed agew tan say labi, kanyan onsabi ra lawas ed manepeg a panaon; et ag yan balut naderal a sipanan.

Jeremias 33:25

No panoy pangitutuloy ko, siak a Katawan, na impisipanan kod agew tan say labi, diad impangipaakseb ko na saray oksuy ed katawenan tan mundo,

Ezekiel 46:1

Say Katawan a Dios kuanto, “Samay nibokig a dalan na puirtan mamaarap ed patiod dalem et nepeg ya akakaput legan na anem agew a panagkimey, balet nepeg ya ilokas no Agew na Panagpainawa tan no Pistay Balon Bulan.

Ezekiel 46:6

Diad Pista na Balon Bulan sikatoy mangibagat na sakey a kilaw na bakan kalakyan, anemiran kordiro, tan sakey a karniron kalakyan, ya amin da et anggapon balut so dotak na laman da.

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.

Joel 3:15

Ombibilonget so agew tan say bulan, tan ag la onsisinag iray bitewen.

Amos 5:8

Say Katawan pinalsa to ray bitewen, say Pleiades tan Orion. Pagmamaliwen ton liwawa so bilonget tan agew so labi. Tatawagen to ray danum na dayat tan ikakalbo to rad tapew na dalin. Yahweh so ngaran to.

Amos 8:9

Onsabiy panaon a paseleken ko so agew no kaagwan tan pabilongetan ko so mundo no agew. Siak, say Katawan a Dios, so nansalita.

Mateo 2:2

Nantepet-tepet ira, “Iner so kawalaay nianak ya ari da ray Judio? Anengneng mi so bitewen ton linmetaw ed bokig, kanyan linma kami dian mangigalang ed sikato.”

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

Marcos 13:24

“Kasumpal na satan a kairapan, ombilonget so agew tan ag la onsinag so bulan.

Lucas 23:45

naandiay liwawa so agew, tan apaldua so kurtina na Timplo.

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Puyan 6:12

Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.

Puyan 9:2

Nilokasan na bitewen imay abut, tan pinmaway so asewek a singa manlalapud baleg ya ornowan. Kanyan binmilonget so liwaway agew tan say dagem lapud samay asewek.