FILIPOS 3:8 - Maung A Balita Biblia

⁸ On, amin a bengatla et ipapasen kon adarak, ta nisulat la so lalon makana-kana, salanti say pakapikabat ed Cristo Jesus a Katawan ko. Lapud Cristo, imbantak ko lan amin iray bengatla; ipapasen ko lan singa dotak iray amin a bengatla, pian nagamuran ko labat si Cristo,

Maung a Balita Biblia

⁸ On, amin a bengatla et ipapasen kon adarak, ta nisulat la so lalon makana-kana, salanti say pakapikabat ed Cristo Jesus a Katawan ko. Lapud Cristo, imbantak ko lan amin iray bengatla; ipapasen ko lan singa dotak iray amin a bengatla, pian nagamuran ko labat si Cristo,

FILIPOS 3:8 Iomraidhean Croise

1 Saray Arari 14:10

Lapud saya deralen koy boleg mo tan pateyen kon amin iray lakin kabyangay boleg mo, malangwer may matakken. Paandipaten koy pamilyam; magmaliw iran singa dotak a pinoolan na sakey a too.

2 Saray Arari 9:37

Nabuybuyak a singa dotak so bangkay to tan anggapoy makabirbir ed sikato.’”

Say Libro nen Job 20:7

balet singa dabuk ya itikyab na dagem. Saray gendat a makapikabat ed sikato onkelaw ira no iner so nakar to.

Saray Salmo 126:6

Saray nanaakis legan dan iyaakar iray bini et ompawil iran maliket a mangankanta lapud liket da, a sankaawit da ray naani ra.

Saray Salmo 73:25

Anto niy kayaryan kod tawen no ag say sika? Bangta kayaryan ta ka anto niy pampilalekan ko diad tapew na dalin?

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Malakias 2:3

Dusaen ko ray anak yo tan ingorangur ko ray lupa yo ed saray taiy ayep ya ibabagat yo—insan kayo nibantak ed bunton na taiy ayayep.

Saray Bilang 14:30

Insipan ko a panayamen ta kayod man, balet anggapo la natay makapanayam diman likud ed kindi Caleb tan Josue.

Lucas 1:43

Siopa ak a bisitaey ina na Katawan ko?

Lucas 11:20

Andi, no ag ingen say Dios so mangiiter ed siak na pakayarin mamaekal ed saray dimonyo. Sikato yay mamapaneknek a sinmabi lad sikayoy Panariay Dios.

Juan 14:20

Diad satan ya agew, naamtaan yon wala ak ed Ama tan wala kayod siak, tan wala ak ed sikayo.

Juan 14:7

Natan ta kabat yo ak la, kabat yo met lay Amak. Manlapud natan, kabat yo la tan anengneng yo la.”

Juan 16:3

Gawaen da ra yad sikayo, ta ag da kabat so Ama odino say siak.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Juan 17:8

Inter kod sikaray salitan inter mod siak tan inawat da. Amta ra lan nanlapu ak a tua ed sika, tan sinisia ran imbaki mo ak.

Juan 20:13

“Bii, akin et mannangnangis ka?” tinepet dad sikato. Inmebat ed sikara, “Inala ray Katawan ko tan ag ko amtay anginan dad sikato!”

Juan 20:28

Inkuanen Tomas ed sikato, “Katawan ko tan Dios ko!”

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Taga Roma 8:18

Ipapasen ko a saray kairapan ed sayan panaon et ag ira nayarin ipara ed kagalangan a nipatnag naani ed sikatayo.

Saray Taga Roma 8:39

o anggan say katageyan, o say anggan anton pinalsa—amin da ra ya et ag ira makapangisian ed sikatayo ed panangaroy Dios ya inter tod sikatayo diad panamegley nen Cristo Jesus a Katawan tayo.

1 CORINTO 2:2

Ta nen wadtan ak, tinibokel kod kanunotan ko ya anggapoy arum a kabaten ko no ag si Jesu-Cristo labat, tan say inkipasak tod krus.

1 CORINTO 9:10

Aliwa kasin sikatayoy labay ton ibaga nen inkuan to ya? On, sikatayoy makasengeg no akin et nisulat ya, ta say toon mambaka tan say toon manani walay ilalo ran makapiapag ed naani.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

TAGA GALACIA 1:16

Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.

TAGA-EFESO 4:13

Diad ontan, makapankakasakey itayon amin ed pananisia tan pakapikabat ed Anak na Dios, tan ontakken itayo ya anggad pakapipara tid inkayadyari nen Cristo.

FILIPOS 1:1

Sayan sulat nanlapud kindi Pablo tan Timoteo, saray aripen nen Cristo Jesus— Diad amin da ray mananisiad Cristo Jesus a taga ra Filipos, lautlad saray pangulo tan mananulong na iglisia:

FILIPOS 3:10

Say pilalek ko lan nagamuran natan et say pakapikabat kon maung ed Cristo, say pakasalik na pakayariy inkioli to, say pakapinabang kod impanirap to, tan say pakapiparak ed impatey to,

FILIPOS 3:12

Ag ko ibabagan agamuran ko la ya o ayadyari ak la. Seseetan ko balet a nagamuray tumang a makasengeg na impamili nen Cristo Jesus ed siak.

FILIPOS 3:7

Balet lapud Cristo, saray nayarian kon ipasen a tubo, ipapasen ko la ra natan ya adarak.

2 Timoteo 4:6

No say siak, ngalngali ak la nibagat; sinmabi lay oras na itaynan kod sayan bilay.

Saray Hebreo 3:14

Ta kaiba to itayon amin nen Cristo, no pansiansiaen tayon malet ya anggad kaonuran so panagmatalek a wala lad sikatayo nen saman.

1 Pedro 2:7

Mabmabli yan bato ed sikayo ran mananisia, balet diad saray aliwan mananisia nasumpal so walad Masanton Sulat: “Say baton impasen ya andi-kakanaan na saray karpintiro, nagmaliw lamlamang a sankakanaan a bato.”

2 Pedro 1:2

Napano-pano kayo komuy panangaro tan kareenan, diad panamegley na pakapikabat yod sikato tan si Jesus a Katawan tayo.

2 Pedro 1:3

Say pakayariy Dios et initdan to itayoy amin a bengatlan nakaukolan ed pambilay a matoor ed Dios, diad panamegley na pakapikabat tid samay anawag ed sikatayon minabang ed kagalangan tan kamaungan to.

2 Pedro 1:8

No walad sikayo ra yan ogali tan ombabaleg ira, pagmaliwen da kayon makoli tan mabunga diad pakapikabat yod Jesu-Cristo a Katawan tayo.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

1 Juan 1:3

No antoy anengneng tan nadngel mi sikatoy ibaga mi met ed sikayo, pian nakaiba mi kayo ed pikakasakey mid Ama tan diad Anak ton Jesu-Cristo.

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.