FILIPOS 3:16 - Maung A Balita Biblia

¹⁶ Anggan anto balet so kanunotan tayo, ituloy tayoy korang tayo, onung ed saray totontonen a totombuken tayo ya anggad natan.

Maung a Balita Biblia

¹⁶ Anggan anto balet so kanunotan tayo, ituloy tayoy korang tayo, onung ed saray totontonen a totombuken tayo ya anggad natan.

FILIPOS 3:16 Iomraidhean Croise

Saray Taga Roma 12:16

Pampapara yoy panangaro yod amin a too. Ag kayo mapaatagey, no ag ingen mikaaro kayod saray mapaabeba. Ag yo ipapasen a makabkabat kayo.

Saray Taga Roma 15:5

Iyabuloy komun na Dios a manangiter na anos tan biskeg na linawa, a mankakasakey kayo ed kanunotan, onung ed linawa nen Cristo Jesus,

TAGA GALACIA 5:7

Maung la man komuy gagawaen yo! Siopay amatondad sikayo ed pangoonur yod katwaan?

TAGA GALACIA 6:16

Diad amin a mambibilay onung ed sayan totontonen, tan pati amin a totooy Dios—nawalaan ira komuy kareenan tan panangasiy Dios!

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

FILIPOS 2:2

No ontan kayo, gawa yon sigput sirin so liket ko—mankakasakey kayod kanunotan, manaarowan kayo, tan mankakasakey kid getma tan kalakal.

FILIPOS 4:2

Euodia tan Sintike, kekerewen kod sikayon mampawilan ki la, ta sanagi kid Katawan.

COLOSAS 2:6

Bangta inawat yo lan Katawan si Cristo Jesus, mambilay kin sikakasakey ed sikato.

COLOSAS 4:2

Ag yo totondaay mampikasi. No mampikasi kayo, gawa yon masimoon tan tekepan yoy pisasalamat ed Dios.

Puyan 3:3

Nunot mon maung sirin no anto ray nibangat ed sika tan nadngel mo. Sumpal mo ra, tan mampatauli ka. No ag ka onliing, singa ak matakew ya onlad sika—ag mo amta so oras na isabik.