FILIPOS 3:14 - Maung A Balita Biblia

¹⁴ Kanyan papasiaen koy ombatik a damputen so panganggaan pian nagamuran koy tumang, say bilay a mansumpal ed tawen, a sikatoy anawagay Dios ed siak diad panamegley nen Cristo Jesus.

Maung a Balita Biblia

¹⁴ Kanyan papasiaen koy ombatik a damputen so panganggaan pian nagamuran koy tumang, say bilay a mansumpal ed tawen, a sikatoy anawagay Dios ed siak diad panamegley nen Cristo Jesus.

FILIPOS 3:14 Iomraidhean Croise

Lucas 16:16

“Anggad kinen Juan a Managbinyag labat so kanay Ganggan nen Moises tan saray sulsulat da ray propita. Nanlapu lad saman, nipupulong so Maung a Balitan nipaakar ed Panariay Dios, tan gagawaen na totoo so anggaay nayarian da ya onloob.

Saray Taga Roma 11:29

Ta say Dios ag mangomay kanunotan diad panagtawag tod saray totoo, tan panangiter toy bindision.

1 CORINTO 9:24

Amta yon saray milulumba ombabatik iran amin, balet sakey labat ed sikara so makalay tumang. Batik kayo sirin a singa milulumba, pian makala kayoy tumang!

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

COLOSAS 2:18

Ag kayo paibabalang ed siopaman a mangipapasen ed sikaton dili a matalonggaring, lapud inkapuyanan to kono tan ipapasoot toy tila-tilan panagpaabeba tan say pangigalang ed saray anghil, balet diad tuay tua, mampapasirayew labat, ta kanunotay too labat so kanunotan to.

1 TESALONICA 2:12

Pinapabiskeg miy linawa yo, nililigliwa mi kayo, tan sinisimbawa mi kayon mambilay a matoor tan makapaliket ed arap na Dios ya anawag ed sikayo, pian makapinabang kayod Panarian tan kagalangan to.

2 Timoteo 1:9

ya angilaban tan anawag ed sikatayo a magmaliw a masanton totoo to. Ginawa to ya, aliwan lapud saray ginagawa tayo, no ag ingen lapud getma tan say panangasi to a niiter ed sikatayo diad panamegley nen Cristo Jesus, tan imparaan to lan para sikatayo sakbay a ginmapoy panaon.

Saray Hebreo 3:1

Agagik irad pananisia, a tinawag met na Dios! Imano yo pay Jesus ya imbakiy Dios a magmaliw a Pangulon Pari ed pananisian ibabawag tayo.

Saray Hebreo 6:1

Kanyan taynanan ti la ray onaan a bangat a nipaakar ed Cristo tan ituloy ti la ray lalon aralem a bangat. Ag ti nepeg so mangyan lamet na pundasion na pangibeneg ed saray andi-kakanaan a gawgawa tan say panisiad Dios;

1 Pedro 1:13

Kanyan iparaan yo ray kanunotan yo. Mantadya kayo lawas tan sigput yon ipeket so ilalo yo ed bindision a niiter ed sikayo no nipaamta lay Jesu-Cristo.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

2 Pedro 1:3

Say pakayariy Dios et initdan to itayoy amin a bengatlan nakaukolan ed pambilay a matoor ed Dios, diad panamegley na pakapikabat tid samay anawag ed sikatayon minabang ed kagalangan tan kamaungan to.

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.