FILIPOS 2:21 - Maung A Balita Biblia

²¹ Ta anggapoy aanapey balang sakey no ag say pankaabigan ton dili, aliwan say pankaabigan nen Jesu-Cristo.

Maung a Balita Biblia

²¹ Ta anggapoy aanapey balang sakey no ag say pankaabigan ton dili, aliwan say pankaabigan nen Jesu-Cristo.

FILIPOS 2:21 Iomraidhean Croise

2 Saray Arari 12:6

Balet diad loob na duamplo tan taloy taon na panooley nen Joas, ag ni nampaapiger na Timplo iray papari.

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.

Mateo 16:24

Inkuanen Jesus ed saray disipulo to, “Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Lucas 14:26

“Ag nayarin magmaliw a disipulok so sakey a toon ondagod siak, no say panangaro tod siak et ag ontalona ed panangaro tod ama tan say ina to, asawa tan saray anak to, agagi ton lalaki may bibii, tan say sikaton dili.

Saray Gawgawa 13:13

Manlapud Pafos, binmaliw ira di Pablo tan saray kakaiba to, tan sinmabi rad Perge na Pamfilia. Balet sinmian ed sikaray Juan a tatawagen met na Marcos tan pinmawil lad Jerusalem.

Saray Gawgawa 15:38

balet ninunot nen Pablo ya ag manepeg ya awiten da, lapud ag akila ya anggad samput na kimey da, no ag ingen sinmian ed sikara diad Pamfilia.

1 CORINTO 10:24

Nepeg ya anggapoy mananap na pankaabigan ton dili, no ag say pankaabigan na arum.

1 CORINTO 10:33

Gawa yoy gagawaen ko; papaliketen koy amin a katoowan tan ag ko nununotey pankaabigan ko, no ag say pankaabigan na amin pian nilaban ira.

1 CORINTO 13:5

say aro aliwan mabanday so kagagawa to, aliwan masiblet, o maipapasnuk; ag mamopokuk na sakit na linawa.

2 CORINTO 1:5

No panoy karakel na kairapan a sasakbaten mi, lapud pikakasakey mid Cristo, ontan met so karakel na nagagamuran min ligliwa a manlalapud sikato.

FILIPOS 2:4

Nengneng yoy pankaabigay arum, aliwan say pankaabigan yo labat.

2 Timoteo 1:15

Amtam a balang sakey a walad Asia et inkaindan da ak, pati di Figelo tan Hermogenes.

2 Timoteo 3:2

Magmaliw a saray totoo maaro rad kuarta tan maaro rad sikaran dili, mapanta, mapaatagey, managpaoges, ag da onuren iray atateng da, ag da amtay mamirbir na maung a linawa, tan ibeneg day pananisiad Dios;

2 Timoteo 4:10

Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

2 Timoteo 4:16

Anggapoy anggan sakey ya angibad siak nen inmonan inmarap ak ed korti. Tinaynan da ak ya amin. Ag ya komun ipakasalanan na Dios ed sikara!