FILIPOS 2:2 - Maung A Balita Biblia

² No ontan kayo, gawa yon sigput sirin so liket ko—mankakasakey kayod kanunotan, manaarowan kayo, tan mankakasakey kid getma tan kalakal.

Maung a Balita Biblia

² No ontan kayo, gawa yon sigput sirin so liket komankakasakey kayod kanunotan, manaarowan kayo, tan mankakasakey kid getma tan kalakal.

FILIPOS 2:2 Iomraidhean Croise

Saray Salmo 122:8

Lapud saray kakaarok tan saray kakanayon ko, kuankod Jerusalem, “Manari komuy kareenan ed sika!”

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Saray Gawgawa 1:14

Naynay iran mankakasakey a mampikasi, a kaiba da ray pigaran bibii tan si Maria ya ina nen Jesus, tan saray lalakin agagi nen Jesus.

Saray Gawgawa 2:1

Nen sinmabiy agew na Pinticostis, nantitipon ed sakey a pasen iray amin a mananisia.

Saray Gawgawa 2:46

Inagew-agew iran nantitipon ed Timplo, nampipisag iray tinapay ed saray abung da, tan nandorongo ran maliket tan mapaabeba so puso ra.

Saray Gawgawa 5:12

Amayamay a milagro tan pakelaw so ginagawa da ray apostol, tan naimatunan ira ya na totoo. Nantitipon ed Portiko nen Solomon iray amin a mananisia.

Saray Taga Roma 12:16

Pampapara yoy panangaro yod amin a too. Ag kayo mapaatagey, no ag ingen mikaaro kayod saray mapaabeba. Ag yo ipapasen a makabkabat kayo.

1 CORINTO 1:10

Agagi, sisimbawaen ta kayo diad panamegley na ngaran na Katawan tin Jesu-Cristo: mankakasakey kayod amin a salitaen yo, pian ag kayo naapag-apag. Ayadyari komuy pankakasakey yo diad kanunotan tan getma.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

2 CORINTO 2:3

Kanyan sinulat ta ki ni, ta ag la pigan napaermen ak na saray totoon nepeg a mamaliket ed siak. Ta manisia ak a say liket ko liket yo met ya amin.

2 CORINTO 7:7

Aliwa lambengat a say insabi to so nanligliwad sikami, no ag pati say impangibalita toy impanligliwa yod sikato. Imbaga tod sikami no panon so panlabay yon makapinengneng ed siak, no panoy paneermen yo, tan no panoy panangisakit yod siak. Lapud saya, lalon makaliliket ak.

FILIPOS 1:4

Kapag pikasi ta kayon amin, makaliliket ak,

FILIPOS 2:16

legan yon ipupulong ed sikaray salitan mangiter na bilay. No onyay gawaen yo, nayarian ta kin ikinun no Agew nen Cristo, ta ag adarak iray sagput tan kimey ko.

FILIPOS 2:20

Anggapo lay miparad pililikna tod siak tan panangisakit tod sikayo.

FILIPOS 4:2

Euodia tan Sintike, kekerewen kod sikayon mampawilan ki la, ta sanagi kid Katawan.

COLOSAS 2:5

Anggaman ya anggapod tay laman ko, wadtay ispirituk. Makaliliket ak diad impakaamtak ed maoksuy a kabibilay yo tan mabiskeg a pananisia yod Cristo.

2 TESALONICA 2:13

Nepeg miy misalamat lawas ed Dios lapud sikayon agagin inararoy Katawan. Misalsalamat kami, ta sikayoy inmonan piniliy Dios ya itdan toy kilalaban, diad panamegley na panamasanto na Ispiritu, tan diad panamegley na pananisia yod katwaan.

2 Timoteo 1:4

Diad pakanunot kod saray luam, pampilpilalekan ta kan nanengneng pian nasigput so liket ko.

Filemon 1:20

Kanyan, lapud Katawan, ag mo ak papabaingan ed sayan kerew ko. Paliket mo kariy pusok, siak ya agim ed Cristo!

2 Juan 1:4

Ontan lay liket kon akarumog ed saray pigaran anak mon mambibilay ed katwaan, onung ed ingganggan na Ama ed sikatayo.

3 Juan 1:4

Anggapo lay makapaliket ed siak nen say pakarengel koy balitan mambibilay ed katwaan iray anak ko.