FILIPOS 2:10 - Maung A Balita Biblia

¹⁰ Diad ontan, amin da ray apalsan walad tawen, diad mundo tan dalem na dalin. ontalimukor iran mangigalang ed ngaran nen Jesus.

Maung a Balita Biblia

¹⁰ Diad ontan, amin da ray apalsan walad tawen, diad mundo tan dalem na dalin. Ontalimukor iran mangigalang ed ngaran nen Jesus.

FILIPOS 2:10 Iomraidhean Croise

Genesis 41:43

Impaikana to ed kinen Jose so kumadwan karwahi to, insan saray guardiad palasio nambabando rad onaan to, “Paliis kayo! Paliis kayo!” Onya so inkatoro nen Jose a gobirnador ed intiron Egipto.

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!

Mateo 12:40

No panoy impanayam nen Jonas a taloy agew tan labi ed dalem na eges na balbaleg a sira, ontan met so panayam na Anak na Too a taloy agew tan labi diad dalem na dalin.

Mateo 27:29

Nanliken iray sanga-sangan masabit tan ginawa ran singa korona, insan da inyan ed olo to. Impabemben dad kawanan a lima toy sakey a bislak. Nantatalimukor irad arap to tan niludlurey da. Inkuanda, “Andokey komun so bilay na Ari da ray Judio!”

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Saray Taga Roma 11:4

Balet antoy inebat na Dios ed sikato? “Angikera ak na piton libo a totoon lalaki para siak, a sikaray ag angigalang ed kinen Baal a dios.”

TAGA-EFESO 1:10

Sayan planoy Dios a sumpalen to no onsabi lay manepeg a panaon et say pangipasakey tod Cristo na amin iray pinalsan walad tawen tan dalin.

TAGA-EFESO 3:14

Lapud saya, ontatalimukor ak ed arap na Ama

TAGA-EFESO 4:9

Antoy labay ya ibagay “inmatagey”? Say labay ton ibaga, inmabeban inmona ya anggad dalem na dalin.

Saray Hebreo 1:6

Nen say Dios et ngalngali to lan ibakid sankamundoan so bogbogtung ya Anak to, inkuanto, “Sikatoy nepeg ya igalang na amin da ray anghil na Dios.”

Puyan 20:13

Impaway na dayat iray inaatey a walad sikato. Impaway met na patey tan say Hadis iray inaatey a walad sikara. Asintinsiaan iran amin, onung ed saray ginagawa ra.

Puyan 4:10

saramay duamplo tan apat a mamatakken ondadakmomo rad samay akayorung ed trono, tan igagalang da may mabilay ya anggad angga. Ibobontuk dad arap na trono iray korona ra, tan kuanda:

Puyan 5:3

Balet anggapoy nalmod tawen, dalin, o dalem na dalin, a makapangilokas tan makanengneng ed dalem to.