FILIPOS 1:27 - Maung A Balita Biblia

²⁷ Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

Maung a Balita Biblia

²⁷ Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

FILIPOS 1:27 Iomraidhean Croise

1 Saray Awaran 19:12

Inkuanen Joab ed kinen Abisai, “No nanengneng mon tataloen ak na saray taga Siria, dago mo ak a tulongan, et no nanengneng ta kan tataloen na saray Ammonita, dagoen ta kan tulongan.

Saray Salmo 122:3

Naapiger so Jerusalem; maoksuy tan marakep la lamet.

Saray Salmo 133:1

Agaylay abig tan makapaliket ed saray totooy Dios a mambilay iran mankakasakey!

Probirbio 22:23

Say Katawan iyalageyan to ra tan taktakoten toy bilay da ray manataktakot na bilay da.

Jeremias 32:39

Itdan ko ray saksakey a getmad bilay: say pamagalang da lawas ed siak a pankaabigan da tan saray kabyangay boleg da.

Mateo 12:25

Amta nen Jesus so walad isip da, kanyan inkuantod sikara, “Ag mambayag so nanarian a pankokolkolay totoo ya apagen. Ontan met ya ag mansiansia so balang baley o pamilya a naapag-apag tan manlalaban iray kabyangan to.

Saray Gawgawa 2:46

Inagew-agew iran nantitipon ed Timplo, nampipisag iray tinapay ed saray abung da, tan nandorongo ran maliket tan mapaabeba so puso ra.

Saray Gawgawa 24:24

Kalabas na pigay agew, sinmabiy Felix a kaiba toy asawa ton Drusila a sakey a Judio. Impatawag toy Pablo tan dinengel ton nansalitay nipaakar ed pananisiad Cristo Jesus.

Saray Gawgawa 4:32

Nankakasakey so kanunotan tan liknaan da ray amin a mananisia, tan anggapoy mangipapasen a kien ton bukor so kayaryan to, no ag ingen kien dan amin.

Saray Taga Roma 1:16

Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

Saray Taga Roma 1:5

Diad panamegley to, inawat mid Dios so baleg a panangaro to tan say inkaapostol, pian natanggoyur min manisia tan mangonur ed Cristo iray amin a katoowan.

Saray Taga Roma 1:9

Say Dios, a panlilingkuran kod intiron pusok diad pangipupulong koy Maung a Balitan nipaakar ed Anak to, so tasik ya ipipikasi ta kayo lawas.

Saray Taga Roma 10:8

Balet saya so ibabaga to, “Asingger ed sikay salita, walad saray bibil mo tan dalem na pusom”—salanti, say salitan ipupulong min nipaakar ed pananisia.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Taga Roma 15:29

Amtak a no onla ak ditan awit koy ag nasabsabaan a bindision nen Cristo.

1 CORINTO 1:10

Agagi, sisimbawaen ta kayo diad panamegley na ngaran na Katawan tin Jesu-Cristo: mankakasakey kayod amin a salitaen yo, pian ag kayo naapag-apag. Ayadyari komuy pankakasakey yo diad kanunotan tan getma.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

2 CORINTO 9:13

Tan lapud paneknek ya iter na sayan panlilingkur yo, dakel iray mangigalang ed Dios lapud inkatoor yod Maung a Balita nen Cristo a totombuken yo, tan lapud inkabonluk yon mangiter ed sikara tan saray arum.

TAGA GALACIA 1:7

Diad tuay tua, anggapoy arum a “maung a balita,” balet wala ray manggogolo ed sikayo tan labay dan omanen so Maung a Balitan nipaakar ed Cristo.

TAGA-EFESO 1:13

Ontan yo met, a nen nadngel yoy tuan salita, salanti say Maung a Balita ya angiter ed sikayoy kilalaban, anisia kayod Cristo, tan minarkaan kayoy Dios a kayaryan to diad impangiter tod sikayoy insipan ton Ispiritu Santo.

TAGA-EFESO 1:15

Kanyan nanlapud impakabalitak ed pananisia yod Katawan a Jesus tan say panangaro yod amin da ray totooy Dios,

TAGA-EFESO 4:1

Kanyan siak, sakey a priso lapud panlilingkur kod Katawan, kekerewen kod sikayo a mambilay kayo onung ed manepeg ya anawagay Dios ed sikayo.

FILIPOS 1:5

lapud intulong yod impanpupulong koy Maung a Balita, nanlapud samay inmonan agew ya impangawat yo ya anggad natan.

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

FILIPOS 2:24

Maniilalo ak a diad tulong na Katawan magano lay pakakar kod tan.

FILIPOS 3:18

Amimpiga lan imbagak ya ed sikayo, tan ooliten ko natan a manterter so luak; dakel iray mambibilay a kalaban na krus nen Cristo.

FILIPOS 3:20

Sikatayo balet, say tawen so tuan bansa tayo tan dimay panlapway Katawan a Jesu-Cristo, say Manangilaban tayo a pampilpilalekan tayon alagden.

FILIPOS 4:1

Kanyan sirin, inararon agagi, mailiw ak ed sikayo! Sikayoy liket ko tan ikikinun ta kayo! Mansiansia kayon malet ed pambibilay yod Katawan, inararok ira.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

COLOSAS 1:4

Ta abalitaan miy nipaakar ed pananisia yod Cristo Jesus, tan say panangaro yod amin a totooy Dios.

1 TESALONICA 3:6

Akapawil la dia natay Timoteo a nanlapud tad sikayo. Walay awit ton marakep a balitan nipaakar ed pananisia tan panangaro yo. Imbalita to met ed sikamin pinunot yo kami lawas, tan no kaonungay pampipilalek min makapinengneng ed sikayo, ontan yo met manaya.

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

1 Timoteo 1:11

Sayan bangat naalmod Maung a Balitan manlalapud mapagalang tan masanton Dios, tan nimatalek ed siak ya ipulong ko.

1 Timoteo 1:19

tan pansiansiam so pananisiam tan say malinis a konsinsiam. Wala ray totoon ag angonur ed konsinsia ra, kanyan aderal so pananisia ra.

2 Timoteo 4:7

Ginawak so anggaay nayarian kon akilumba tan binatik koy nepeg kon batiken. Nansiansia ak a matoor ed pananisia.

Tito 2:10

Ibagam ed sikaran ag da tatakeway amo ra no ag ingen ipanengneng da lawas so kamaungan tan inkatoor da, pian diad amin a gawaen da, nipanengneng day dakep na bangat na Dios a Manangilaban tayo.

Filemon 1:5

ta nadngelan koy panangarom ed saray totooy Dios, tan say pananisiam ed Katawan a Jesus.

Santiago 3:18

Say toon maarod kareenan, diad panaanap toy kareenan, isisibwag toy bokel a mambungay katonungan.

2 Pedro 3:11

Lapud onyay pansumpalay amin a bengatla, nepeg a masanto so bilay yo tan nisaklang ed Dios,

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.

Judas 1:3

Inararon agagi, gagawaen ko lawariy anggaay nayarian kon mansulat ed sikayo nipaakar ed kilalaban tayo. Balet lapud amtak a sikato yay nakaukolan, apasootan ak a sulaten ta kayo natan pian tanggoyuren ta kayon mangitalindeg na pananisian inter na Dios ya amimpinsan ed saray totoo to.