FILIPOS 1:20 - Maung A Balita Biblia

²⁰ Say pampilpilalekan tan iilaloan ko et say ag ko ikulang ed kimey ko, no ag ingen ombiskeg lawas komuy linawak nagkalalo lad sarayan bekta, pian naitdan koy galang si Cristo, mabilay ak man o inatey ak.

Maung a Balita Biblia

²⁰ Say pampilpilalekan tan iilaloan ko et say ag ko ikulang ed kimey ko, no ag ingen ombiskeg lawas komuy linawak nagkalalo lad sarayan bekta, pian naitdan koy galang si Cristo, mabilay ak man o inatey ak.

FILIPOS 1:20 Iomraidhean Croise

Saray Salmo 119:116

Pabiskeg mo ak pa, O Dios, onung na insipan mo, et mambilay ak; ag ak komun nabaingan ed paniilalok!

Saray Salmo 119:80

Sigput ko komun a naonur iray ganggan mo, pian ag ak napelag ed kababaingan na inkatalo.

Saray Salmo 25:2

manmamatalek ak ed sika, O Dios ko. Ag mo pa iyaabuloy a nabaingan ak lapud katalok; ag mo pa met iyaabuloy ya elek-elekan ak na saray kalaban ko!

Saray Salmo 62:5

Say Dios labat so panmamatalkan ko; sikatoy paniilaloan ko.

Probirbio 10:28

Gayaga so pansumpalan na saray ilalo na totoon matonung, balet andi-kabaliksan so pansumpalan na saray ilalo da ray totoon maoges.

Probirbio 23:18

No onyay gawaen mo, maung so pansumpalan mo diad arapen a panaon.

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Isaias 50:7

Balet ag ak nasakitan na saray panamabaing da lapud tutulongan ak na Katawan a Dios. Pinakapal koy lupak pian nitepel ko ra. Amtak ya ag ak napelag ed kababaingan,

Isaias 54:4

Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Juan 21:19

(Imbaga ya nen Jesus diad pangipaamta to no panoy ipatey nen Pedro, tan diad saya et napagalangan nen Pedro so Dios.) Insan inkuanen Jesus ed kinen Pedro, “Tombuk mo ak!”

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”

Saray Gawgawa 4:31

Kasumpal dan nampikasi, ayegyeg may nantitiponan da. Napno ran amin na Ispiritu Santo, tan anggapoy takot dan balut a nampupulong na salitay Dios.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 5:5

Sayan ilalo ag to pabeteley linawa tayo, ta inkalbo lay Dios so aro tod puso tayo diad panamegley na Ispiritu Santo ya inter tod sikatayo.

Saray Taga Roma 6:13

Ag yo met papaoleyad kasalanan iray kabyangay laman yo, pian ag ira nikanad panggaway kaogsan. Isaklang yo ingey bilay yod Dios, a singa totoon inatey a pinaolid bilay, tan iyabuloy yon ikanay Dios iray kabyangay laman yo ed panggaway kamaungan.

Saray Taga Roma 6:19

Mainomay iray salitan ikakanak, ta mairap kin makatalus. No inyabuloy yo ray kabyangay laman yo a nikana ra ed karotakan tan ompapalalon kaogsan, ontan met natan, isaklang yoy intiron laman yo ya aripey katonungan tan nikana ed matonung a kipaakaran.

Saray Taga Roma 8:19

Pampilpilalekay amin a pinalsa so pangipatnag na Dios ed saray anak to.

Saray Taga Roma 9:33

onung na ibabagay Masanton Sulat, “Nengneng yo, mangyan ak ed Sion na baton pakapateran, sakey a baleg a baton pakapatakbaan. Balet siopamay manisiad sikato ag nabaingan.”

1 CORINTO 15:31

Susubaen koy patey ya inagew-agew, agagi! Ibabagak ya, ta ikikinon ta kayo, lapud pikakasakey tayod Cristo Jesus a Katawan tayo!

1 CORINTO 6:20

mabliy impanaliw tod sikayo. Kanyan ikana yoy laman yo a pamagalang ed Dios.

1 CORINTO 7:34

Kanyan nankadwa so kawalaay kapagaan to. Ontan met, say biin anggapoy asawa o say marikit et mapaga ed saray kimey a nipaakar ed Katawan, no panoy pagmaliw ton masanto diad laman tan ispiritu; balet say biin walay asawa et mapaga ed saray antokaman ed sayan mundo, no panoy pamaliket tod asawa to.

2 CORINTO 10:8

Ag ak ambaing, anggan impasirayew kon maung bilang so pakayarin inter na Katawan ed sikami, salanti say pakayarin mamabiskeg, aliwan maneral ed sikayo.

2 CORINTO 3:12

Lapud walay onyan ilalo tayo, mabiskeg so linawa tayo.

2 CORINTO 4:10

Lawas min awit ed laman mi so patey nen Jesus, pian say bilay to et nanengneng ed laman mi.

2 CORINTO 5:15

Inatey para amin a katoowan si Cristo, pian saray mabilay et ag la ra mambilay para sikaran dili, no ag ingen para samay inatey tan inmolid bilay para sikara.

2 CORINTO 7:14

Indayew ta kid sikato, et ag yo ak impaturingan. Tua ran amiy imbabaga mid sikayo. Ontan met apaneknekan a tua so impangidayew mid sikayo ed kinen Tito.

2 CORINTO 7:4

Mapalaloy panagmatalek kod sikayo tan ikikinon ta kayo. Diad pegley da ray segsegang mi, naliligliwa ak tan ag nasabsabaan so liket ko.

FILIPOS 1:14

Tan lapud inkaprisok, say karaklan ed saray agagi et binmiskeg so panmamatalek dad Katawan. Sinmebeg ira ni ingen a mangipulong na salitay Dios; ag la ra natatakot natan.

FILIPOS 2:17

Panliketan ko tan pinabangen ta kin amin ed sayan liket ko, anggaman bilang ya onterter so dalak tan onarum ed bagat ya isasaklang na pananisia yo ed Dios.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

1 TESALONICA 5:23

Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

1 Pedro 4:16

Balet no manirap kayo lapud sakey kin Cristiano, ag yo nepeg ya ibaing; igalang yo ingen so Dios diad ngaran nen Cristo.

1 Juan 2:28

On, anak, mansiansia kayod Cristo, pian mataletalek itayo no sikatoy ompatnag tan ag itayo nabaingan ed sikato no Agew na isabi to.