FILIPOS 1:13 - Maung A Balita Biblia

¹³ Akabatan na amin da ray guardiad palasio tan arum ni ran wadya ya apriso ak lapud panlilingkur kod Cristo.

Maung a Balita Biblia

¹³ Akabatan na amin da ray guardiad palasio tan arum ni ran wadya ya apriso ak lapud panlilingkur kod Cristo.

FILIPOS 1:13 Iomraidhean Croise

Saray Gawgawa 26:29

Inmebat si Pablo, “Diad antikey o andokey a panaon, iyabuloy komuy Dios ya aliwan sika labat, no ag ingen amin a makakadngel ed siak natan, so magmaliw met komun a singa siak—likud labat ed sayan inkabalur koy golung-golung!”

Saray Gawgawa 26:31

Kapaway da inkuandad sakey tan sakey, “Sayan too anggapoy ginawa ton manepeg a panintinsiaan ed sikato a pateyen o ipriso.”

Saray Gawgawa 28:17

Kalabas na taloy agew, impatawag nen Pablo ray manonan Judio ed siudad. Nen wadman la ra inkuanto, “Agagi, anggaman ya anggapoy ginawak sumpad bansa tayo, o sumpad saray kaogaliyan na saray lalaki tayo, impriso da ak ed Jerusalem tan impalima da ak ed saray mibabaley na Roma.

Saray Gawgawa 28:20

Lapud saya, impatawag ta kayon pinengnengan tan pitongtongan; ta say katwaan akagolunggolung ak makasengeg ed samay kawalaay ilalo na Israel.”

Saray Gawgawa 28:30

Duay taon a nanayam ed Roma si Pablo diad abung ya inabangan to tan inaawat ton amin iray linmad sikato.

TAGA-EFESO 3:1

Lapud saya, siak a si Pablo, say priso nen Cristo Jesus makasengeg ed sikayo ran Hintil, et mampipikasid Dios.

TAGA-EFESO 4:1

Kanyan siak, sakey a priso lapud panlilingkur kod Katawan, kekerewen kod sikayo a mambilay kayo onung ed manepeg ya anawagay Dios ed sikayo.

TAGA-EFESO 6:20

Lapud sayan Maung a Balita, nibaki ak, anggaman a wadya ak natan ed dalem na prisowan. Ipikasi yon matalek ak a mangipulong onung na nepeg kon gawaen.

FILIPOS 1:30

Kaiba ta ki la natan a milalaban a singa samay anengneng yon ginawak tan narerengelan yon gagawaen ko ni ya anggad natan.

FILIPOS 1:7

Wala kayon amin lawas ed pusok, kanyan manepeg ya onyay liknaan kod sikayo. Ta akinabang kid siak ya amin ed sayan pankanawnawan inter na Dios ed siak, say pankanawnawan mangyagel tan mamaneknek ed katwaay Maung a Balita, nen ag ak ni apriso ya anggad natan ya apriso ak.

FILIPOS 4:22

Amin iray totooy Dios dia, lautlad saray mananisian walad palasioy Impirador, et papaibanoan met ira.

2 Timoteo 2:9

Lapud pangipupulong kod sayan Maung a Balita, maniirap ak tan natan agolunggolungan ak a singa kriminal. Balet ag agolunggolungan so salitay Dios.