FILIPOS 1:10 - Maung A Balita Biblia

¹⁰ pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo.

Maung a Balita Biblia

¹⁰ pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo.

FILIPOS 1:10 Iomraidhean Croise

Genesis 20:5

Si Abraham a dili so angibagad siak ya agi toy Sara, tan imbaga met nen Sara ya agi toy Abraham. Malinis so konsinsiak a nanggawad saya, tan anggapoy maoges a ginawak.”

Say Libro nen Job 12:11

Balet no panoy panliket na dilam ed pannanam na kakanen, ontan met so panliket na saray layag mo ed pandengel na saray salita.

Say Libro nen Job 34:3

Nibaga yon mananam so kakanen no natawayan yo; balet ag yo nibagan napnoy kakabatan iray salita no narengel yo ra.

Mikias 3:2

balet kabosul yo so kamaungan tan inaro yo so kaogsan. Kakataten yon mabilay iray totook tan bibingbingkasen yoy laman da.

Mateo 16:23

Balet inarap nen Jesus tan inkuanto, “Arawi kad siak, Satanas! Sakey kan mansasaray dalanen ko! Say labay na too so nununoten mo, aliwan say labay na Dios!”

Mateo 26:33

Inkuanen Pedro ed sikato, “Anggan taynan da kan amin, ag ta kan balut taynan!”

Juan 1:47

Nen anengneng nen Jesus si Nataniel ya ondaragod sikato inkuanto, “Niay tuan Israelita ya ag manasaol na kapara ton too.”

Juan 3:20

Siopamay maoges iray gawa to bosulen toy silew tan ag ondagod silew, ompano napatnagan so kagagawa to.

Saray Gawgawa 24:16

Kanyan gagawaen koy anggaay nayarian ko a malinis lawas so konsinsiak ed arap na Dios tan saray totoo.

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

Saray Taga Roma 12:9

Nepeg ya anggapoy pankonkonwari so panangaro yo. Bosul yoy kaogsan, pabli yoy kamaungan.

Saray Taga Roma 16:17

Kerewen kod sikayo, agagi, alwaran yo ray manangigapoy pansisian da ray kabyangay iglisia, a dederalen day pananisiay totoo tan susumlangen day bangat ya inawat yo. Paliisan yo ra.

Saray Taga Roma 2:18

Amtam so pagagaway Dios ed sika; naaralan mod Ganggan no antoy maung;

Saray Taga Roma 7:16

No gawaen koy ag ko labay, mapatnag sirin ya onaabubon ak a say Ganggan et maung.

Saray Taga Roma 7:22

Diad otel na pusok, malikeliket ak ed ganggay Dios.

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

1 CORINTO 1:8

Antabayen kayoy Dios anggad kaonuran, pian anggapoy pakadusaan yo no Agew na Katawan tin Jesu-Cristo.

1 CORINTO 10:32

Mambilay kayo ya aliwan sikayoy panlapwan na pankasalanay siopaman—saray Judio, saray Grigo, o saray kabyangay iglisia na Dios.

1 CORINTO 8:13

Kanyan no kakanen so makasengeg na pankasalanan na agik, ag ak lan balut mangan na karni, pian ag ko la nalagyat a mankasalanan so agik.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

2 CORINTO 6:3

Ag kami manggagaway antokaman a pakapankasalanay siopaman, pian ag nabalaw so kimey mi.

2 CORINTO 8:8

Ag ko igaganggan yad sikayo; balet labay kon nipatnag, diad panamegley na pangipanengneng koy pananulong na saray arum, so katooran met na panangaro yo.

TAGA GALACIA 5:11

Agagi, no tuan ipupulong ko nin nakaukolay pampasegat, akin et napapasegsegang ak ni? No tua tan, ag la komun katiroran so ipupulong kon nipaakar ed krus nen Cristo.

TAGA-EFESO 4:15

Ingen, diad panamegley na pansalita tiy katwaan diad ngaray aro, magmaliw itayon nagnap ed Cristo a sikatoy pangulo.

TAGA-EFESO 5:10

Aral yo no antoy makapaliket ed Katawan.

TAGA-EFESO 5:27

pian niparontal tod sikaton dili so iglisia—marakep, anggapoy mansa o komanet to, masanto, malinis, tan anggapoy pakabalawan.

TAGA-EFESO 6:24

Nawalaan kayo komuy bindisioy Dios, amin yon say panangaro yod Katawan tayon Jesu-Cristo et ag ompatey.

FILIPOS 1:16

Mampupulong ira lapud panangaro ra, ta amta ran inter na Dios ed siak so kimey a pangyagel na Maung a Balita.

FILIPOS 1:6

Ag ko panduaruwaan ya isumpal na Dios so inggapo tod sikayon maung a gawa, anggad isabi na Agew nen Jesu-Cristo.

FILIPOS 2:16

legan yon ipupulong ed sikaray salitan mangiter na bilay. No onyay gawaen yo, nayarian ta kin ikinun no Agew nen Cristo, ta ag adarak iray sagput tan kimey ko.

1 TESALONICA 3:13

Pabiskegen tod satan so linawa yo, tan magmaliw kayon masanto tan anggapoy pakabalawan ed arap na Dios tan Ama tayo, no onsabiy Katawan tayon Jesus a kaiba ton amin iray totoo to.

1 TESALONICA 5:21

Subok yoy amin a bengatla tan pili yo ray maung.

1 TESALONICA 5:23

Pasantosen kayon sigput komun na Dios a mangiiter na kareenan. Pansiansiaen to komun ya anggapoy pakabalawan so intiron inkatoo yo—say ispiritu, kamarerwa, tan say laman yo—anggad isabiy Katawan tayon Jesu-Cristo.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.

Puyan 2:2

Amtak iray ginagawam; tan amtak no panoy impankekesaw tan impanaanos mo. Amtak ya ag mo ra naanosay maoges a totoo. Sinubok mo ray mangibabagan apostol ira anta andi, tan nalmoan mon matila ra.