Biblia Todo Logo
Bìoball air-loidhne

- Sanasan -




Ezekiel 7:2 - Maung A Balita Biblia

2 Inkuanto, “Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Faic an caibideil Dèan lethbhreac

Maung a Balita Biblia

2 Inkuanto, Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Faic an caibideil Dèan lethbhreac




Ezekiel 7:2
28 Iomraidhean Croise  

Inkuan na Dios ed kinen Noe, “Tinibokel ko lad kanunotan ko a panganggaen koy bilay na amin a katoowan. Sigput ko ran deralen, ta napnoy mundo na maoges a gawgawa ra.


Diad intiron Nanarian ed Baybay, dinederal to ray altar tan saray tanda na Asera, minemekmek to ya anggad dinmabuk iray talintaoy diriyos, tan tinetemek ton amin iray altar a panagpoolan na insinso. Insan pinmawil ed Jerusalem.


Abaloan mo a sika lawas so riyna, tan ag mo inngalngalep ira yan bengatla; ag mo anggan ninunot no kapigay pangangga ra.


Kapigay itonda na sayan inkamagaay dalin mi, tan say inkalenes na karikaan ed kaalogan? Ompapatey iray ayayep tan saray manok, lapud kaogsan na saray totoon manaayam ed sayan dalin, ya ibabaga ra, ‘Ag nanenengneng na Dios so gagawaen mi.’”


saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”


Amayamay iray ilog na Babilonia tan saray baleg a kayamanan to, balet asabi lay oras to tan apongpong lay pabilo na bilay to.


Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.


Babantayan kami na kalaban; ag kami anggan makakar ed saray dalan. Sinmabi lay oras mi, sinmabi lay anggaan mi.


Legan kon mampropropisiya, inatey si Pelatia. Intikleb kod dalin tan ineyag ko, “O Katawan a Dios, pateyen mon amin iray totoon atilak ed Israel?”


Inkuanto, “Sika a toon ompatey, akin et ooliten na saray totood Israel ya ibaga yan probirbio: ‘Ondadalan so panaon, et ag nasusumpal iray pasakbay’?


“Sika a toon ompatey,” kuanto, “Mansalita ka sumpad Jerusalem. Mansalita ka sumpad saray pasen a panangigalangan na saray totoo. Pasakbayan mo so dalin na Israel


“Sikan maoges tan nisamba a manoley na Israel, onsasabi lay agew na kaonuran a pakadusam.


Ikanak so ispadak sumpad balang sakey a too manlapud baybay ya anggad abalaten.


No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.


“Sikay mabetbet a kalaban nen saman na Israel tan impapapatey mo ray totoo to diad samay panaon na inkaderal to, salanti samay kaonuran ya impakadusa to lapud saray kasalanan to.


Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.


Akisalitad siak so Katawan.


“Israel, sinmabi lay anggaan mo. Ondapod sikay pasnuk ko, lapud sisintinsiaan ta kad saray ginagawam. Singilen ta kad amin a makapaingungot a kagagawam.


Asingger lay agew na KATAWAN, say agew ya iyakar na Makapanyarin-amin so deral. Makapataktakot yan agew!


Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.


Tinepet na Katawan, “Amos, antoy nanenengneng mo?” “Sakey a baskit a napno na saray prutas.” ebat ko. Say Katawan kuantod siak, “Sinmabi la so anggaan da ray totook ed Israel. Ag ko la omanen so kanunotan ko nipaakar ed panusak ed sikara.


Makadngel kayo ray bakal diad asingger tan saray balitan nipaakar ed saray bakal diad arawi, balet ag kayo mapaga. Nakaukolan a nagawa ra ya, balet aliwa nin sikato yay anggaay mundo.


Inkuanto, ‘Ag ko la ra tulongan; nengnengen kod satan no antoy nagawa ed sarayan anawet so olo tan aliwan matoor a totoo.


Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.


Ompaway a mamalikdo ed saray bansa ed intiron mundo, a salanti say Gog tan say Magog. Tiponen nen Satanas iray mibakal. Say kinarakel da singa say kinarakel na buer ed gilig na dayat.


Kasumpal to ya, anengneng koy apatiran anghil a manalalagey ed saray apatiran sokung na mundo. Babaraen da ray apatiran dagem na mundo, pian ag onsiplug ed tapew na dalin, o diad dayat, o diad anton kiew.


Lean sinn:

Sanasan


Sanasan