Ezekiel 4:4 - Maung A Balita Biblia

^4-5 “Insan ka ondokul ya akadiking ed kawigi, tan ipelag kod sikay kasalanan na bansa na Israel. Mansiansia kad man na talon lasus tan siamaplon agew tan manlikna kay kairapan lapud kasalanan da. Sinintinsiaan ta ka na sanagew para kapag sakey taon a dusa ra.

Maung a Balita Biblia

^4-5 Insan ka ondokul ya akadiking ed kawigi, tan ipelag kod sikay kasalanan na bansa na Israel. Mansiansia kad man na talon lasus tan siamaplon agew tan manlikna kay kairapan lapud kasalanan da. Sinintinsiaan ta ka na sanagew para kapag sakey taon a dusa ra.

Ezekiel 4:4 Iomraidhean Croise

Ezekiel 4:8

Baluren ta ka, pian ag ka makaarap ed anggan dinan a diking mo, anggad nasumpal so kalakob na siudad.

Levitico 10:17

“Akin et ag yo inakan ed masanton pasen imay bagat a para kasalanan? Masanton tuloy iman, et say Katawan inter tod sikayo pian napaandi toy kasalanan na amin da ray Israelita.

Levitico 16:22

Samay kanding et awiten ton amin iray kasalanan da ray Israelita diad dalin ya ag natotoowan.

Saray Bilang 14:34

Apataploy taon a manirap kayo lapud kasalanan yo; sakey taon so kasimbang na balang sanagew na samay apataploy agew ya impannengneng yod samay dalin. Naamtaan yod satan so kabaliksan na pasnuk kod sikayo!

Saray Bilang 18:1

Say Katawan kuantod kinen Aaron, “Sika, saray anak mon lalaki, tan saray Levita so nadusa lapud saray kasalanan a sumpad saray totontonen a nipaakar ed Tuldan Ayaman ko; balet sika tan saray anak mo labat so nadusa lapud kasalanan a sumpad saray totontonen a nipaakar ed inkapari.

Mateo 8:17

Ginawa to ya, pian nasumpal so imbaga nen propita Isaias, “Sikaton diliy nansakbat na saray kakapoyan tayo, tan inekal to ray sakisakit tayo.”

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.