Ezekiel 23:3 - Maung A Balita Biblia

³ Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

Maung a Balita Biblia

³ Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

Ezekiel 23:3 Iomraidhean Croise

Jeremias 3:9

tan ag to ibabaing yan gagawaen to. Dinotakan to so dalin, tan akilawanan diad panamegley na impangigalang tod saray bato tan saray kiew.

Ezekiel 16:15

“Balet impoonan moy dilin gangganam tan inkabantug mo diad impipiakdul mod balang sakey ya ondalan.

Ezekiel 16:22

Diad samay panaon a makapabaing so pambibilay mo a sakey a marotak a bii, ag mon balut anunotan so impanogaw mo—nen lakseb-labus ka a pigar-pigar kad dilin dalam.”

Ezekiel 20:7

Imbagak ed sikaran ibantak da ray makapaingungot a talintaon inararo ra, tan ag da dodotakan so sikaran dili diad pidios dad saray tila-tilan diriyos na Egipto, lapud siak so Katawan a Dios da.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Ezekiel 23:19

Inkaloor toy inkamarotak ton bii, ginagawa toy singa ginagawa to nen malangwer ni, nen sikatoy marotak a bii diad Egipto.

Ezekiel 23:21

Aholiba, nilabay mon oliten so nankasalanan mon immoralidad nen marikit ka ni diad Egipto, a pinipirit diman na saray lalaki so sosom tan aderal so inkabirhin mo.)

Ezekiel 23:34

Inomen mo tan oputen moy karga to, nasugat so pagew mo diad panamegley na saray misimisi to. Siak a Katawan a Dios so nansalita.”

Ezekiel 23:4

Say pangulowan manngaran na Ahola (ilalaman toy Samaria), tan say yogtan manngaran na Aholiba (ilalaman toy Jerusalem.) Inasawak iran dua tan wala ray anak kod sikara.

Ezekiel 23:43

Insan inkuankod siak a dili a miaakdul irad marotak a biin mapalaloy impikakaloguran to.

Ezekiel 23:8

Intuloy toy inggapo to lan marotak a panagbilay to ed Egipto a dimay inkaderalay inkabirhin to. Nanlapu lad impanmarikit to, akikiakdul ed sikato ray lalaki tan impasen dan sakey a marotak a bii.

Oseas 1:2

Nen inmonan akisalitay Katawan ed Israel diad panamegley nen Oseas, inkuantod kinen Oseas, “Laka ta mangasawa ka; say naasawam et magmaliw ya aliwan matoor ed sika, tan saray anak mo naani et magmaliw iran singa sikato. Ontan met so impangikaindan ed siak na saray totook tan nagmaliw iran aliwan matoor ed siak.”

Oseas 2:15

Ipawil kod sikato may kaubasan a kayaryan to nen saman, tan pagmaliwen kon puirta na ilalo so Patar na Gunigon. Ebatan to ak diman a singa samay ginawa to nen malangwer ni, sanen sikatoy pinmaway a nanlapud Egipto.

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

Deuteronomio 29:16

“Amta yo no panoy impanbilay tayod man ed Egipto tan no panoy indalan tayo ed dalin da ray arum a bansa.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

Puyan 11:8

tan naonat-onat iray bangkay da ed dalan na baleg a siudad, a dia nipasak ed krus so Katawan da. Sodoma o Egipto so maispiritun ngaran to yan siudad.