Ezekiel 2:8 - Maung A Balita Biblia

⁸ “Sika a toon ompatey, dengel moy ibabagak ed sika. Ag ka onsusumpan singa sikara. Sangi ka tan akan moy iter kod sika.”

Maung a Balita Biblia

⁸ Sika a toon ompatey, dengel moy ibabagak ed sika. Ag ka onsusumpan singa sikara. Sangi ka tan akan moy iter kod sika.

Ezekiel 2:8 Iomraidhean Croise

Saray Salmo 105:28

Pinabilonget na Dios so bansa, balet ag inonur na saray Egipsio so ganggan to.

Isaias 50:5

Say Katawan initdan to ak na pakatalus, et ag ak linmaban ed sikato odino inarawian ko.

Isaias 8:11

Diad baleg a pakayari na Katawan pinasakbayan to ak ya ag ko tombuken so dadalanen na saray totoo. Inkuanto,

Jeremias 13:2

Kanyan angaliw ak, insan ko insolung.

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Ezekiel 12:2

Inkuanto, “Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Ezekiel 12:7

Ginawak imay imbagad siak na Katawan. Diad saman ya agew nambalkut ak a singa gawaen na sakey ya adakep ya ibantak ed arum a bansa, tan diad saman a labi nen ombibilonget la binongaw na limak so padir tan pinmaway ak. Legan ya iimatunan ak na balang sakey a too, sinakbat ko may balkut ko tan amikal ak la.

Ezekiel 3:10

Intuloy na Dios ya inkuan, “Sika a toon ompatey, dengel kan maung tan tandaan moy ibagak ed sika.

Ezekiel 33:7

“Natan, sika a toon ompatey, gawaen ta ka a managbantay na bansa na Israel. Nepeg mon ipasabid sikara iray pasakbay ya iiter kod sika.

Ezekiel 40:4

Inkuantod siak, “Mambantay ka, sika a toon ompatey. Mandengel kan maung tan apiger mon imanoen ya amin iray ipanengneng kod sika, ta sikato tan so makasengeg na angyakaran kod sika dia. Nepeg mon ibagad saray totood Israel iray amin a nanengneng mo.”

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Saray Bilang 20:24

“Ag makaloob si Aaron ed dalin ya insipan kon iter ed Israel; ompatey la lapud sinumlang yon dua so ganggan ko dimad Meriba.

1 Pedro 5:3

Ag yo aaripenen iray nipaliman asikasoen yo, no ag ingen magmaliw kayon oliran na poluk na saray karniroy Dios.

Puyan 10:9

Linma ak ed samay anghil tan kinerew kon iter tod siak imay melag a babasaen a nilokut. Inkuantod siak, “Alam, insan mo kanen. Ampait ed eges mo, balet singa samit na dilo ed sangim.”