Ezekiel 12:3 - Maung A Balita Biblia

³ “Natan, sika a toon ompatey, mambalkut kan singa gagawaen da ray adakep a nibantak tan laka la legan ya agew ni. Ipanengneng mod balang sakey ya ontataynan ka ya onlad arum a pasen. Angangko, naimano ka na saraman a mananumlang.

Maung a Balita Biblia

³ Natan, sika a toon ompatey, mambalkut kan singa gagawaen da ray adakep a nibantak tan laka la legan ya agew ni. Ipanengneng mod balang sakey ya ontataynan ka ya onlad arum a pasen. Angangko, naimano ka na saraman a mananumlang.

Ezekiel 12:3 Iomraidhean Croise

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

Jeremias 10:17

Totood Jerusalem, lolooban da kayon dakepen. Ala yo ray kayaryan yo.

Jeremias 26:3

Ag la pigan ondengel iray totoo tan ikaindan day maoges a panagbilay da. No onyay gawaen da, mangoman ak ed kanunotan nipaakar ed ginetmak lan panderal ed sikara lapud saray maoges a gawgawa ra.”

Jeremias 27:2

a manggawa ak na pako, singeran ko na katat tan iyan kod beklew ko.

Jeremias 36:3

Angangko no narengel na saray totood Juda iray amin a deral a getmak ya iyakar ed sikara, ikaindan day maoges a kabibilay da. Pirdonaen kod satan iray kaogsan tan saray kasalanan da.”

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Ezekiel 12:7

Ginawak imay imbagad siak na Katawan. Diad saman ya agew nambalkut ak a singa gawaen na sakey ya adakep ya ibantak ed arum a bansa, tan diad saman a labi nen ombibilonget la binongaw na limak so padir tan pinmaway ak. Legan ya iimatunan ak na balang sakey a too, sinakbat ko may balkut ko tan amikal ak la.

Ezekiel 3:26

Patalkeren koy dilam, pian ag mo napasakbayan ira man a totoon mananumpad sika.

Ezekiel 3:27

Insan no misalita ak ed sika lamet tan ipawil kod sikay pakapansalita, ibagam ed sikaray sasalitaen ko, siak a Katawan a Dios. Pigarad sikaray ondengel, balet pigara met ed sikaray ag ondengel ed sika lapud totoo ran mananumpad siak.”

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Ezekiel 43:11

Et no ombaing ira lapud saray ginagawa ra, ipaliwawam ed sikara so plano na Timplo: say inkagawa to, saray lolooban tan saray papawayan to, say alagey to, say inkilira na amin a bengatla, tan amin da ray ganggan tan saray pananontonan to. Isulat mo ra yan amin a para sikara pian nanengneng da so inkilira na amin a bengatla tan natombuk da ray amin a totontonen.

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Lucas 20:13

‘Anto kasiy gawaen ko?’ kuanto may akanubas. ‘Ibakik pay dilin inararok ya anak, ta andi-saew a galangen da!’

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

2 Timoteo 2:25

maoyamon mametek ed saray onsumlang ed sikato, ta ag la pigan saraya et itdan iray Dios na pankanawnawan mampataulid kasalanan da tan naamtaan day katwaan.