Ezekiel 1:7 - Maung A Balita Biblia

⁷ Maptek so bikking tan ulpo ra, tan singa saray kokoy bakan kalakyan so koko ra. Mankidyam iran singa gansa.

Maung a Balita Biblia

⁷ Maptek so bikking tan ulpo ra, tan singa saray kokoy bakan kalakyan so koko ra. Mankidyam iran singa gansa.

Ezekiel 1:7 Iomraidhean Croise

Saray Salmo 104:4

Gagawaen mo ran ibabakim so dagem; gagawaen mo ran aripen mo so kirmat.

Ezekiel 1:13

Diad kawalaan da ra may mabilay a pinalsa, walay bengatlan singa manliub ya apoy a nipotan, tan ag makareen. Marmarlang so apoy to tan mampaway diman so kirmat.

Ezekiel 40:3

Inyasingger to ak, et anengneng koy sakey a lakin mankidyam a singa gansa. Sankabembenan toy sakey ya abel a panagsukat tan bislak a pangsukat tan manalalagey ed abay na dalan na puirta.

Daniel 10:6

Mankidyam a singa alahas so laman to. Singa kirmat so liwaway lupa to, tan singa mandarlang ya apoy iray mata to. Mansiayap a singa pinasileng a gansa iray taklay tan bikking to, tan makmaksil a singa ungol na olup na dakerakel a totoo so bosis to.

Levitico 11:3

a pisag so koko to tan mamparintek.

Levitico 11:47

Apiger yon pambiigan so malinis tan say marotak onung ed ganggan, saray ayayep a nayarin kanen tan saray ayayep a sebel a kanen.

Puyan 1:15

Saray sali to singa ra gansan pinoolan ed palbaan insan pinasileng, tan say bosis to singa tanul na mabiskeg ya agos na danum.