Exodo 9:31 - Maung A Balita Biblia

³¹ Aderal iray tanaman a lino tan sibada lapud aaniyen iray sibada, tan ombubuskag la ray rosas na lino.

Maung a Balita Biblia

³¹ Aderal iray tanaman a lino tan sibada lapud aaniyen iray sibada, tan ombubuskag la ray rosas na lino.

Exodo 9:31 Iomraidhean Croise

2 Samuel 21:9

Impalima ra nen David ed saray totood Gabaon, insan da ra imbibitay ed palandey, diad arap na Katawan—inaatey iran amin a pito. Onggapo lay tiagew tan say panagani na sibada nen pinatey da ra.

Exodo 9:32

Balet anggapoy aderal a trigo, lapud maeta ni ray bunga ra.

Amos 4:9

“Angibaki ak na ampetapetang tan makasinit a dagem, pian namagaan iray tanaman yo. Inooput na dorun iray amin a tanaman ed tanamanan yo tan diad saray kaubasan yo; inooput da ray kakiewan yon igos tan oliba. Balet siansia nin ag kayo pinmawil ed siak.

Habacuc 3:17

Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,

Ruth 1:22

Onya sirin so impawil nen Noemi a nanlapud Moab a kaiba toy manugang ton si Ruth a Moabita. Sinmabi rad Betlehem nen kagapoy panagani na sibada.

Ruth 2:23

Kanyan nankimey a kaiba to ra tan akitortor ya anggad kayariy panaganiy trigo tan sibada. Intuloy toy akiamung ed kinen katolangan to.