Exodo 9:27 - Maung A Balita Biblia

²⁷ Impaawit na ari ira di Moises tan Aaron tan kuanto, “Siak natan so nankasalanan; say Katawan so walad katonungan, balet saray totook tan siak so walad kaogsan.

Maung a Balita Biblia

²⁷ Impaawit na ari ira di Moises tan Aaron tan kuanto, Siak natan so nankasalanan; say Katawan so walad katonungan, balet saray totook tan siak so walad kaogsan.

Exodo 9:27 Iomraidhean Croise

2 Samuel 12:13

“Nankasalanan ak ed Katawan,” kuanen David ed kinen Natan. Inmebat si Natan, “Pinirdona ka na Katawan; ag ka ompatey.

2 Saray Awaran 12:6

Binirbir na ari tan saray pangulo a nankasalanan ira, et inkuanda, “Matonung so Dios.”

Saray Salmo 129:4

Balet say Katawan a matonung et inagwat to ak ed inkaaripen.”

Saray Salmo 145:17

Say Katawan matonung ed amin a gagawaen to, tan mapangasid amin a kimey to.

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Exodo 10:16

Insan say ari impaawit ton tampol ira di Moises tan Aaron tan kuanto, “Nankasalanan ak ed Katawan a Dios yo tan diad sikayo.

Exodo 10:17

Pirdona yo ak pan maminsan labat ni ed sayan kasalanan ko tan pikasi yod Katawan a Dios yo a paandien to lad siak yan makapatey a dusa.”

Exodo 8:25

Insan impaawit na ari ira di Moises tan Aaron tan kuanto, “Laka yo la, ta mangigalang kayod Dios yo diad loob na sayan bansa.”

Exodo 8:8

Say ari impaawit to ra di Moises tan Aaron tan kuanto, “Ipikasi yod Katawan a pagiten to ra yay patang, insan ko abuloyan ya onla la ray totoom, pian makapangibagat irad Katawan.”

Saray Tagleey 1:18

“Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Daniel 9:14

O Katawan a Dios mi, akaparaan ka la nen saman a manusad sikami, et dinusa mo kamin tua, lapud matonung lawas so gagawaen mo, tan ag mi ka dinengel.

Saray Bilang 21:7

Sinmingger ed kinen Moises iray totoo tan kuanda, “Nankasalanan kami nen nansalita kamiy sumpad Dios tan sumpad sika. Ipikasim pad Katawan ya ekalen to la ra yan oleg.” Kanyan impikasi nen Moises iray totoo.

Saray Bilang 22:34

Inmebat si Balaam, “Nankasalanan ak. Ag ko amta a manalalagey kad dalan a mamaat ed siak; balet natan no isisipen mon makapoy ya ituloy koy mila, ompawil ak la.”

Mateo 27:4

“Nankasalanan ak, ta inyawat kon papatey so toon anggapoy kasalanan!” inkuanto. “Antoy pibabalian mi? Sikay akaoley ed satan!” inebat da.

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

Josue 7:20

“On, tua”, ebat nen Acan. “Nankasalanan ak ed Katawan a Dios na Israel, et saya so ginawak.

1 Samuel 15:24

“On, nankasalanan ak,” ebat nen Saul, “Ag ko inonur so ganggan na Katawan tan saray bilibilin mo. Antakot ak ed saray totook, kanyan ginawak iray labay da.

1 Samuel 15:30

“Nankasalanan ak,” ebat nen Saul. “Balet pagalangan mo ak pa ni labat diad arap da ray pangulo na totook tan amin a totood Israel. Mila kad siak pian nigalang koy Katawan a Dios mo.”

1 Samuel 26:21

Inmebat si Saul, “Makapoy so ginawak. Pawil ka la, David, ya anak ko! Ag ta ka lan balut pasakitan, ta ag mo ak pinatey ed sayan labi. Nakalan ak na kalakal! Maoges a tuloy so ginawak!”