Exodo 9:16 - Maung A Balita Biblia

¹⁶ Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Maung a Balita Biblia

¹⁶ Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Exodo 9:16 Iomraidhean Croise

2 Samuel 7:23

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa tan saray diriyos da legan a mankukurang iray totoom, saray totoon impaway mod Egipto pian nakayaryan mo ra.

2 Saray Arari 19:35

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus, walomplo tan liman libon sondalo. Diad palbangon ed ontombuk ya agew kibalatar irad man ya inaatey!

1 Saray Awaran 16:24

Ibando yod saray bansa so kagalangan to, tan diad amin a katoowan iray makapakelaw a gawgawa to.

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

Saray Salmo 106:8

Anggaman ontan, inlaban to ra, onung ed insipan to, pian nipanengneng toy baleg a pakayari to.

Saray Salmo 64:9

Ontakot iran amin; dalepdepen da ray ginagawa na Dios, tan salitaen da ray gawgawa to.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Exodo 14:17

Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Exodo 9:15

Anggapo kayo la komun ya amin natan, no pinadalan koy salot ed sika tan saray totoom.

Exodo 9:17

Balet siansia nin mapaatagey ka tan ag mo ni abuloyan ya ontaynan iray totook.

Probirbio 16:4

Amin a ginawa na Katawan walay pansumpalan da; et saray totoon maoges deral so kasumpalan da.

Jeremias 32:20

Nanggawa ka na saray milagro tan pakelaw ed dalin na Egipto. Itutuloy mo ra yan gagawaen ya anggad sarayan agew, diad Israel tan diad saray arum a bansa, kanyan anggan iner a pasen kabat ka na saray totoo.

Ezekiel 39:21

Say Katawan kuanto, “Abuloyan kon nanengneng na saray bansa so kagalangan ko tan ipanengneng kod sikara no panoy pangikakanak na pakayarik diad pangipakurang kod sintinsian ginawak.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Malakias 1:14

Sakey a samba lalaingen so niiter ed masaol a mangibabagat ed siak na andi-kakanaan ya ayep, anta walay marakep ya ayep ed saray kokomponien to ya insipan ton iter ed siak! Lapud sakey ak a matalonggaring ya ari, tan tatakotan ak na saray totood amin a bansa.”

Saray Bilang 14:21

Balet isipan ko a legan a mabilay ak tan legan a papanoen na kagalangan ko so mundo,

Saray Taga Roma 9:17

Ta onung ed Masanton Sulat say Dios kuantod ari na Egipto, “Ginawa ta kan ari, pian diad panamegley mo, nipanengneng koy pakayarik tan nibawag so ngaran ko ed intiron mundo.”

Saray Taga Roma 9:22

Ontan met, anggaman a labay na Dios ya ipanengneng so pasnuk to tan ipaamtay pakayari to, inanosan ton maung ya intepel iray totoon pamapasnukan to tan nepeg la ran dusaen.

Josue 4:24

Lapud saya naamtaan na balang sakey a too ed tapew na dalin so ontan lan kabaleg na pakayari na Katawan, tan igalang yod anggad angga so Katawan a Dios yo.”

1 Pedro 2:19

Ta panliketan na Dios so pangitepel yoy kadusa yon anggapoy kasalanan, lapud amta yon sikato yay linawa to.

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

Judas 1:4

Ta say impakasalet ed sikatayo na saray totoon anggapoy Dios et ag naimano. Ikakana ray panangaroy Dios ed minumundon pamaakaran; ipopolisay day Jesu-Cristo, say bukbukor a Pangulo tan Katawan tayo. Balet impasakbay lan abayag na Masanton Sulat so pakadusa ra.

1 Samuel 4:8

Siopay makapangilaban ed sikatayo ed saray makapanyarin diriyos? Sikaray diriyos ya amatey ed saray Egipsio diad panamegley na saray nandoroman salot diad kalawakan!