Exodo 9:15 - Maung A Balita Biblia

¹⁵ Anggapo kayo la komun ya amin natan, no pinadalan koy salot ed sika tan saray totoom.

Maung a Balita Biblia

¹⁵ Anggapo kayo la komun ya amin natan, no pinadalan koy salot ed sika tan saray totoom.

Exodo 9:15 Iomraidhean Croise

2 Samuel 7:23

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa tan saray diriyos da legan a mankukurang iray totoom, saray totoon impaway mod Egipto pian nakayaryan mo ra.

1 Saray Arari 13:34

Kasalanan nen Jeroboam yan ginawa to, tan lapud saya sikatoy makasengeg na inkaderal tan inkaandipat na panoley na saray kabyangay boleg to.

2 Saray Arari 17:36

Nepeg yo ak a takotan, siak a Katawan, ya angipaway ed sikayod Egipto diad panamegley na baleg a pakayari; nepeg kayon ondakmomod siak tan mangibagat ed siak.

2 Saray Arari 19:35

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus, walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Exodo 14:28

Pinmawil so danum tan tinabunan to ra may karwahi, saramay kutsiro, tan amin da ra may Egipsion inmosil ed saray Israelita ya anggad dayat; anggapoy atilak ed sikara anggan sakey.

Exodo 3:20

Balet ipakanak so pakayarik ed Egipto tan dusaen ko na saray makapataktakot a pakelaw a gawaen kod man. Kasumpal na sarayan nagawa, abuloyan to kayo lan onla.

Exodo 9:14

No ag mo ni ra abuloyan, aliwa labat a saray opisyal mo tan saray totoom so dusaen ko, no ag ingen pati sika, pian naamtaan mo ya anggapoy kaparak diad intiron mundo.

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Exodo 9:3

dusaen ta ka diad pangipadalan ko na ambelat a salot ed saray amin ya ayayep yo—saray kabayo yo, saray asno yo, saray kamilyo yo, saray baka yo, saray karniro yo, tan saray kanding yo.

Exodo 9:6

Diad kaimbwasan ginawa na Katawan so imbaga to, tan inaatey ya amin iray ayayep na saray Egipsio, balet anggapoy inatey ya anggan sakey ya ayep na saray Israelita.

Probirbio 2:22

Balet say Dios paandipaten tod dalin iray totoon maoges, tan baguten to ray makasalanan a singa pamagut na tanaman ed dalin.