Exodo 8:6 - Maung A Balita Biblia

⁶ Kanyan si Aaron inyatagey ton impetek ed amin a tapew na danum so baston to, et sinmakbit iray patang tan kinmayat irad intiron bansa.

Maung a Balita Biblia

⁶ Kanyan si Aaron inyatagey ton impetek ed amin a tapew na danum so baston to, et sinmakbit iray patang tan kinmayat irad intiron bansa.

Exodo 8:6 Iomraidhean Croise

2 Samuel 7:22

Agaylay inkatalonggaring mo, Sankatageyan a Katawan! Anggapoy miparad sika; amta mi lawas a bukbukor mo so Dios.

2 Saray Awaran 6:14

Onyay pikakasi nen Solomon: “Katawan a Dios na Israel, anggapoy arum a dios a miparad sika diad tawen odino diad dalin! Matoor kad impisipanan mod saray totoom, tan ipapanengneng moy ag mangoman a panangarom ed saray totoon sigput a matoor ed sika.

Saray Salmo 105:30

Apano na patang so bansa ra; anggan say palasioy ari nanaayaman da.

Saray Salmo 78:45

Angibakid sikaray amayamay ya apangat a nampapairap ed sikara; angibaki met na amayamay a patang a nandederal ed dalin da.

Saray Salmo 86:8

Anggapod saray diriyos so miparad sika, Katawan, anggapoy siopaman a makagawa ed saray ginawam.

Saray Salmo 90:2

Kasakbayay impamalsam ed saray palandey, odino impamalsam ed mundo, Dios ka la manlapud gapoy-gapo; Dios ka ya anggad angga.

Exodo 10:2

Ontan met ginawak ira yan milagro, pian nayarian yon salitaen ed saray anak yo tan saray apo yo so impamaabebak ed saray Egipsio nen nanggagawa ak na saray milagro. Naamtaan yo a siak so Katawan.”

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Exodo 7:19

Say Katawan kuantod kinen Moises, “Ibagam ed kinen Aaron ya awiten to may baston to tan iyatagey ton ipetek ed tapew na amin ya ilog, banawang, tan amin a dipositoway danum ed Egipto. Et say danum magmaliw a dala tan nawalaan na dala so intiron dalin ya anggan diad saray kiew tan baton pananginay danum.”

Exodo 9:14

No ag mo ni ra abuloyan, aliwa labat a saray opisyal mo tan saray totoom so dusaen ko, no ag ingen pati sika, pian naamtaan mo ya anggapoy kaparak diad intiron mundo.

Exodo 9:29

Inkuanen Moises ed sikato, “Kapaway kod siudad, iyatagey ko ray limak diad pampikasik ed Katawan. Ontonday karul, tan naandi la ray kristal, pian naamtaan mo a kayaryan na Katawan so mundo.

Isaias 43:10

“Totood Israel, sikayo ray tasik; pinili ta kayon aripen ko, pian nakabatan yo ak tan manisia kayo ed siak tan natalusan yo a Siak si Siak. Likud ed siak anggapo lay arum a dios nen saman, natan, tan anggan kapigan.

Levitico 11:12

Ag kayo mamangakay antokaman a mabilay ya ag nansiksik tan ag nanggigim a manaayam ed danum.

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

Deuteronomio 33:26

Sikayon Israelita, anggapoy dios a miparad Dios yo, Manloglogan a sigagalang a ombeltang ed tawen. Manloglogan ya onsorub ed kaloreman ta ondagon ontulong ed sikayo.

Deuteronomio 4:35

Say Katawan impapanengneng to ra man ed sikayo, pian napaneknekan tod sikayo a bukbukor to so Dios tan anggapo lay arum.

Puyan 16:13

Insan anengneng koy singa ra patang a taloran marorotak ya ispiritu ya ompapaway ed sangi to may dragon, sangi to may ayep, tan sangi na samay tila-tilan propita.