Exodo 8:4 - Maung A Balita Biblia

⁴ Onluklukso rad laman mo, diad saray totoom, tan diad amin ya opisyal mo.’”

Maung a Balita Biblia

⁴ Onluklukso rad laman mo, diad saray totoom, tan diad amin ya opisyal mo.

Exodo 8:4 Iomraidhean Croise

1 Saray Arari 13:6

Inkuanen Ari Jeroboam ed samay propita, “Ipikasi mo ak pa ed Katawan a Dios mo, tan kerew mon paabigen toy taklay ko.” Nampikasid Katawan imay propita, et inmabig so taklay na ari.

Saray Salmo 107:40

pinabaingan to ray mamapairap ed sikara, tan impanakar-akar to rad kalawakan ya anggapoy basbas.

Exodo 10:17

Pirdona yo ak pan maminsan labat ni ed sayan kasalanan ko tan pikasi yod Katawan a Dios yo a paandien to lad siak yan makapatey a dusa.”

Exodo 8:24

Say Katawan ginawa to so onung na imbaga to. Imbaki to ray dakerakel ya apangat diad palasio na ari tan diad kaabungan na saray opisyal to. Aderal so intiron dalin na Egipto lapud saramay apangat.

Exodo 8:3

Napano na patang so Ilog na Nilo kanyan onsakbit ira tan onla rad palasiom, diad kuartom, diad katrim, diad kaabungan na saray opisyal mo tan saray totoom, tan anggan diad saray ornowan tan diad saray kawalin panaggawaan moy tinapay.

Exodo 8:5

Say Katawan kuantod kinen Moises, “Ibagam ed kinen Aaron ya iyatagey ton ipetek ed tapew na saray ilog so baston to, diad saray banawang, tan diad amin a dipositoway danum, ta pasakbiten to ray patang tan pakayaten to rad intiron dalin na Egipto.”

Exodo 9:28

Mampikasi kayod Katawan! Ag mi la natepelan so kairapan ya iiter na sarayan karul tan kristal! Abuloyan ta kayo lan ontaynan; ag kayo la dia manaayam.”

Isaias 19:11

Makulang-kulang iray pangulo na siudad na Soan! Andi-kakanaan iray isisimbawa na saray sankakabatan ya Egipsio! Panon dan nitepel ya ibagad ari a sikaray kasalat na saray gendat a makabat tan arari?

Isaias 19:22

Dusaen na Katawan iray Egipsio, insan to ra balet paabigen. Ompawil irad sikato, dengelen to ray pikakasi ra tan paabigen to ra.

Isaias 23:9

Say Katawan a Makapanyarin-amin so angiplano. Implano to ya, pian napatonda toy panagpaatagey da ray taga Tiro ed saray agawgawaan da tan ontan met pian napaabeba to ray gagalangen dan totoo.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Saray Bilang 21:7

Sinmingger ed kinen Moises iray totoo tan kuanda, “Nankasalanan kami nen nansalita kamiy sumpad Dios tan sumpad sika. Ipikasim pad Katawan ya ekalen to la ra yan oleg.” Kanyan impikasi nen Moises iray totoo.